Prezident Erdogan Hindistanyň Premýer ministri Narendra Modi bilen duşuşdy

Duşuşykdan soň geçirilen metbugat ýygnagynda Erdogan Türkiýäniň terrora garşy göreşde Hindistan bilen jebislik içindedigini aýdyp: "Terrorçylar döken ganlarynyň içinde gark bolarlar. Terror guramalarynyň ygtyýarymyza gandal goýmagyna pursat bermeris" diýdi.

Erdogan duşuşykda Fetullahçy terror guramasy Paralel döwlet ulgamy barada maglumat berip: "Bu arkasy garaňky ulgam dünýäniň iň howply, iň gazaply guramasydyr. Hindistanyň aljak çäreleri bilen FETÖ-ni dolulygyna ýurtdan çykarjakdygyna ynanýaryn" diýdi.

Prezident Erdogana Jamia Millia Yslam uniwersitedinde Hormatly doktor atly ýokary derejeli ylmy at berildi.

Türkiýäniň Prezidenti ol ýerden eden çykyşynda BMG-nyň we esasan hem BMG-nyň Howpsyzlyk geňeşiniň gurluşynyň iň gysga wagtda üýtgedilmeginiň zerurdygyny belläp: "BMG-nyň Howpsyzlyk geňeşinden näme garaşýas? Adalat. Emma BMG-nyň Howpsyzlyk geňeşinde adalat barmy? Çürt kesik ýok" diýdi.

"BMG-na garamazdan milliona golaý adamy öldüren, dewlet terrorryny alyp barýan Asad entegem Siriýanyň başynda bolsa, mundan beýläk diýip boljak başga zat ýok" diýen Erdogan: "Barrel bombalardan, himiki ýaraglardan, beýleki ýaraglardan gaçan adamlara Türkiýe ýene-de gapysyny ýapmaz" diýdi.