Kalyn: “Adam hukuklary goraýjy ýewropalylar nirede?”
Prezidentiň metbugat sekretary İbrahim Kalyn ÝB-ni Siriýadaky pajyga hiç hili reaksiýa bildirmeýändigi sebäpli tankyt edip; “Adam hukuklaryny goraýjy ýewropalylar nirede” diýdi
![Kalyn: “Adam hukuklary goraýjy ýewropalylar nirede?”](http://cdn.trt.net.tr/images/xlarge/rectangle/d2e7/bc2d/9c02/58d26c842a564.jpg?time=1719354488)
Başar Asadyň İdlibde himiki ýaraglar bilen eden gyrgynçylygyndan soň Türkiýäniň eýe bolan mümkinçiliklerinden we ukyplaryndan peýdalanmak üçin gije-gündiz tagalla edýändiklerini nygtan Kalyn: “Prezident R.T.Erdogan Russiýanyň Prezidenti Wladimir Putin bilen gepleşik geçirip, meseläniň gyssagly seljerilmelidigini aýtdy” diýdi.
Kalyn: “Siriýanyň hökümetine çäre görülmeli, hökümete täsir ýetirip biljek ähli taraplar dessine işe girişip, pajyganyň öňi alynmaly. Biz adam hukuklaryndan, adamkärçilikden, ýaşaýyş hukugyndan we beýlekilerden söz edýän ýewropalylar nirede? Bir-iki beýannamadan başga zat görýäňizmi? Ýok. İň erbedi bosgunlar meselesinde nähili başarnyksyz bolandyklaryny bütin dünýä gördi, indi öz özlerini tankyt edýärler. Hawa, biz bosgunlar meselesinde başarnyksyz bolduk diýýärler” diýdi.