Ankara bilen Waşingtonyň arasynda ilkinji resmi gepleşik
Iki lideriň arasyndaky telefon söhbetdeşligi 45 minut dowam etdi
Prezident R. T. Erdogan 20-njy ýanwarda ABŞ-nyň Prezidenti wezipesine başlan Donald Tramp bilen ilkinji resmi teelfon söhbetdeşligini geçirdi.
Iki lideriň arasyndaky telefon söhbetdeşligi 45 minut dowam etdi.
Amerikan tarapynyň başlangyjy boýunça geçirlen telefon söhbetdeşliginde Türkiýe bilen ABŞ-nyň dost we hyzmatdaş iki ýurtdygy nygtaldy.
Iki lider terrora garşy göreşiň dowam etdirilmelidigini aýratyn belledi.
ABŞ-nyň Prezidenti Tramp ýurdynyň strategik hyzmatdaşy we NATO agza Türkiýä goldaw berýändiklerini nygtady we DAİŞ-e garşy göreşde Türkiýäniň berýän goldawlary üçin öz minnetdarlygyny bildirdi.
Trampyň Döwlet sekretary Reks Tillerson bilen geçiren maslahatynyň yzy ýanyndan Prezident Erdogan bilen telefon arkaly söhbetdeşlik geçirmegi ünsleri özüne çekdi.
Aslynda iki lider ozal hem telefon arkaly söhbetdeşlik geçiripdi.
Prezident Erdogan 8-nji noýabrdaky prezident saýlawyndan soň Donald Trampa telefon edip saýlawda gazanan üstünligi bilen gutlapdy.
Degişli Habarlar
“Gabar we Kato Daglary Terror Bilen Däl, Eýsem Indi Nebiti Bilen Tanalýar”
Iş sapary bilen Şyrnak welaýatyna giden Ministr Güler metbugata beýannama berdi.
Türkiýäniň Galkynyş Ýoly taslamasynda işleriň depgini güýçlenýär
Ulaglar ministri Uşaglar ministri Abdulkadir Uralogly taslamanyň möhüm sepgide ýetendigini aýtdy.