Ýewfrat galkany operasiýasy bilen Siriýanyň demirgazygy terrorçylardan saplanýar
Ýüze çykan soňky çaknyşyklarda DAIŞ-e agza 36 terrorçy täsirsiz ýagdaýa getirildi
Siriýanyň demirgazygynyň terrorçylardan saplanmagy üçin 24-nji awgustda Türkiýäniň ýolbaşçylyk etmeginde başladylan Ýewfrat galkany operasiýasynyň 72-nji gününde bolan çaknyşyklarda terror guramasy DAIŞ-e agza 36 terrorçy täsirsiz ýagdaýa getirildi, oppozisionerlerden bolsa 11 adam ýaralandy.
Baş ştab tarapyndan mesele bilen baglanşykly berilen beýanata görä Ýewfrat galkany operasiýasynyň çäginde terror guramasy DAIŞ-e degişli 100 aýry ýere we aýralykçy terror guramasy PKK-nyň Siriýadaky goly bolan PÝD-e degişli 4 ýere hüjüm guraldy.
Aýralykçy terror guramasy PKK-a garşy operasiýalar hem erjellik bilen dowam etdirilýär.
Hakkari welaýatynyň Çukurja etrabynda uçarmansyz howa ulagynyň guran hüjüminde 2 terrorçy öldürildi.
Aýralykçy terror guramasy PKK-a garşy geçirilýän operasiýalarda şu günki güne çenli Çukurja etrabynda 357, Hakkari welaýatynda bolsa jemi 491 terrorçy täsirsiz ýagdaýa getirildi.
