PKK-a agza 10 terrorçy öldürildi
Hakkari welaýatynda aýralykçy terror guramasyna agza 10 terrorçy öldürildi
Hakkari welaýatynyň Aktütün etrabynda aýralykçy terror guramasyna agza 10 terrorçy öldürildi.
Türkiýäniň ýaragly güýçleri tarapyndan berlen beýanatda Aktütündäki harby baza hüjüm etmäge synanşan terrorçylardan 10-nyň öldürlendigi nygtaldy.
Mardin welaýatynyň Nusaýbin etrabynda hem köçä çykmak gadagançylygyna garamazdan 2 adamy öldüren terror guramasy PKK-a garşy guralan operasiýalarda 21 terrorçynyň öldürlendigi, 3 terrorçynyň hem tussag edilendigi habar berildi.
Operasiýalarda 2 müň 800 kilogram partlaýjy maddanyň ele geçirlendigi we ýok edilendigi nygtaldy.
Beýleki tarapdan Wan welaýatynyň Başkale etrabynda terrorçylar tarapyndan polis merkezine guralan hüjümde 7 esger, 1 sakçy bilen 1 adam ýaralandy.
Diýarbakyryň Bismil etrabynda bolan çaknyşykda 4 terrorçy öldürildi.
Batman welaýatynda bolsa 4 terrorçy ýaraly ýagdaýda ele salyndy.