Prezident Erdogan Kuweýtde we Tunisde guralan hüjümleri ýazgardy

Prezident R. T. Erdogan Kuweýtde şaýylara degişli metjide Juma namazynda guralan hüjüm bilen Tunisiň Suse etrabyna iki myhmanhana guralan ýaragly hüjümi berk ýazgardy.
Mesele barasynda berlen beýanatda Kuweýdiň we Tunisiň asudalygyny we durnuklylygyny nyşana alan hüjümleriň, terrorçylyga garşy göreşde halkara we sebitara hyzmatdaşlygyň nähili möhümdigini açyk aýdyň görkezýändigi nygtaldy.
Beýanatda hüjümleriň rehnet we bereket aýy hasaplanylýan Remezan aýynda guralmagynyň hüjümçileriň wagşyçylygyny, keramatly ýerlere sarpa goýmaýandygyny ýene-de bir gezek görkezendigi ýatladyldy.
Beýanatda Türkiýäniň terrorçylyga garşy göreşde Kuweýde we Tunise ähli taraplaýyn goldaw berýändigi aýratyn bellenildi.