Erdogan Mun we Putin bilen telefon arkaly söhbetdeşlik geçirdi

Premýer ministr R. T. Erdogan BMG-nyň Baş sekretary Pan Gi Mun we Russiýa Federassiýasynyň Prezidenti Wladimir Putin bilen telefon arkaly söhbetdeşlik geçirdi.
Pan Gi Mun Türkiýe Respublikasynyň 12-nji Prezidentligine saýlanan R. T. Erdogany täze wezipesi bilen gutlady.
Erdogan bilen Pan Gi Mun esasan hem Gazadaky soňky özgerlişikler hakyndaky pikir alyşdy.
Premýer ministr Erdogan telefon söhbetdeşliginde Gaza goýlan çäklendirmeleriň bes edilmelidigini ýatlatdy we hüjümleriň bes edilmegi meselesinde Türkiýäniň halkara jemgyýetçiligi bilen ýakyndan hyzmatdaşlyk etmäge dowam etjekdigini nygtady.
Erdogan Pan Gi Muna Türkiýe hökmünde Gaza berilýän ynsanperwer kömekler, göçme hassahanalaryň gurulmagy we sebitiň halkyna elektrik togynyň berilmegini maksat edinýän taslamalar hakynda maglumat berdi.
Telefon söhbetdeşliginde Erdogan bilen Pan Gi Mun Palestina kömek bermek maksady bilen Norwegiýanyň ýolbaşçylyk etmeginde halkara donerler konferensiýanyň geçirilmegi barada hem pikir alyşdy.
Premýer ministr R. T. Erdogan Prezidentlige saýlanmagynyň yzy ýanyndan özüni gutlan Russiýanyň Prezidenti Wladimir Putin bilen hem telefon arkaly söhbetdeşlik geçirdi.
Erdogan özüni ilkinjileriň hatarynda gutlan dünýä liderlerinden biri bolmagy sebapli Putine minnetdarlygyny bildirdi.
Erdogan bilen Putin Türkiýe bilen Russiýanyň arasyndaky gatnaşyklaryň has-da pugtalandyrylmalydygyny belledi.
Putin Premýer ministr Erdoganyň Prezidentligi döwründe iki ýurduň arasyndaky gatnaşyklaryň has-da güýçlenjekdigine ynanýandygyny aýtdy.