Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Haber Türk” gazeti “Erdogan: Palestinanyň garaşsyzlyk göreşini her şertde goldarys” söz başyly habarynda, Prezident R.T.Erdoganyň Gazada 14 müň çagany gyran Ysraýylyň, Gitlerden hem öte geçendigini aýdandygyny ýazýar. Erdogan Plestinanyň garaşsyzlyk göreşini her şertde batyrgaýlyk bilen goldajakdyklaryny beýan etdi.
“Ýeni Şafak” gazeti “Erdogan: Hamas basybalyjy Ysraýyla garşy göreş hereketidir” söz başyly habarynda, Prezident R.T.Erdoganyň Hamasyň Palestinanyň territoriýasyny basybalyjy Ysraýyla garşy goraýan göreş hereketidigini ýene-de bir gezek nygtandygyny mälim edýär. Erdoganyň Palestinanyň garaşsyzlyk göreşine beren goldawyna kanagatlanma bildiren Hamas Türkiýä minnetdarlygyny bildirdi.
“Sabah” gazeti “Hakan Fidan: Sebitdäki ýeke-täk ejir çekýän Gazanyň halkydyr” söz başyly habarynda, Daşary işler ministri Hakan Fidanyň Ysraýylyň palestinalylara garşy alyp barýan genosid syýasaty we soňky wakalar hakynda beýannama berendigini okyjy köpçüliginiň dykgatyna ýetirýär. Ministr Fidan sebitdäki ýeke-täk ejir çekýäniň Gazanyň halkydygyny beýan etdi. Hakan Fidan: “Biz sebit ýurtlary hökmünde üçünji taraplaryň öz çaknyşyklaryny bu sebitde dowam etdirmegini islemeýäris” diýdi.
“Star” gazeti “Hakan Fidan Ismail Haniýe bilen duşuşdy” söz başyly habarynda, Daşary işler ministri Hakan Fidanyň Katara guran saparynyň dowamynda Hamasyň Syýasy býurosynyň Başlygy Ismail Haniýe bilen duşuşandygyny, duşuşykda Gaza ynsanperwer kömeginiň ýetirilmegi, hüjümleriň bes edilmegi we ýesirler ýaly meseleler seljerildi.
“Hürriýet” gazeti “Türkiýe Gresiýaynň deňiz seýilgähi başlangyjyny kabul etmez” söz başyly habarynda, Adalat we ösüş partiýasynyň Metbugat sekretary Ömer Çeligiň Gresiýanyň daşky gurşaw işleri ady bilen Egeý we İon deňizlerini deňiz seýilgähi diýip yglan etmek ugrundaky tagallasyna ýol bermejekdiklerini aýdandygyny ýazýar. Çelik: “Gresiýa ähli ekspluatasiýadan çetde durmaly. Sebitiň artykmaç dartgynlyga takady ýok” diýdi.
