Türk metbugatynyň gysgaça mazmuny

Hürriet gazedi: "Daşary işler ministrliginden Belgiýa bilen bagly beýanat: Ähli derejede gözegçilik edilýär" söz başyly habarynda, Belgiýada PKK-nyň tarapdarlarynyň türk jemgyýetine degişli metjitlere we jemgyýetlere garşy hüjümleri dowam edýärkä, Daşary işler ministrliginiň hadysalaryň ähli derejede gözegçilik edilýändigini, ministr Hakan Fidanyň mesele bilen bagly belgiýaly kärdeşi bilen aragatnaşyga geçendigini habar berýär.  

Sabah gazedi: "Ministr Mehmet Fatih Kajyr: Türk milleti asmana goluny çekdi" söz başyly habarynda, Türkiyäniň Senagat we tehnologiýa ministri Mehmet Fatih Kajyryň, Türkiyäniň 2000-nji ýyllarda berk ygtyýar bilen asmana gol çekýän taslamalary durmuşa geçirýändigini belläp: "Türkiye, Bayraktar, Anka, Akasungur, Akynjy, Hürkuş, Hürjet, Atak, Gökbeý, Gyzylalma we Kaan taslamalaryny öndürdi we asmana galdyrdy. Türk milleti asmana goluny çekdi" diýendigini mälim edýär.

Watan gazedi: "Stambula 2 aýda 2 million 457 müň syýahatçy geldi" söz başyly habarynda, Stambula 2024-nji ýylyň ilkinji 2 aýynda 2 million 457 müň 518 daşary ýurtly syýahatçynyň gelendigini beýan edýär. Stambula gelen daşary ýurtly syýahatçylaryň sany 2023-nji ýylyň degişli döwri bilen deňeşdirilende 8,08 göterim artdy. Stambula fewral aýynda iň köp rus syýahatçylar geldi.

Star gazedi: "ANKA III 3-nji gezek asmana galdy" söz başyly habarynda, Türk awiasiýa we älem senagatynyň ilkinji uçuşyny 2023-nji ýylyň 28-nji dekabrynda amala aşyran ANKA III taslamasynyň özgertme we synag işlerini dowam etdirýändigini aýan edýär. Ilkinji uçuş synagyndan alynan maglumatlaryň esasynda kämilleşdirilen we täze synag uçuşlaryny ýerine ýetiren ANKA III, 3-nji gezek asmana galdy. Soňky synag uçuşynda 2 sagat asmanda bolan ANKA III, 160 tizlige ýetdi, 10 müň fut beýiklige çykdy.

Haber Türk gazedi: "Eda Erdem Dündar: Halkara batyrgaý zenanlar sylagyna dalaşgär hödürlendi" söz başyly habarynda, Türkiyäniň Milli Zenanlar Woleýbol ýygyndysy bilen birlikde Fenerbahçe Opet toparynyň kapitanlygyny ýerine ýetirýän Eda Erdem Dündaryň ABŞ-nyň Döwlet sekretarlygy tarapyndan berilýän "Halkara batyrgaý zenanlar" sylagyna dalaşgär hödürlenendigini beýan edýär.