Türk metbugatynyň gysgaça mazmuny

“Hürriýet” gazeti, “Erdogan bilimde pursat deň dukuklylygyna ünsi çekdi” söz başyly habarynda Prezident R. T. Erdoganyň, BMG-nyň Howandarlyk geňeşinde geçirlen Bilim maslahatynda eden çykyşynda, bilimde pursat deň hukuklygyna ünsi çekendigini ýazýar.

Prezident Erdogan çykyşynda “Geliň gyzlar mekdebe” kampaniýamyz bilen gyz çagalarymyzy bilim almaga höweslendirdik” diýdi.

“Ýenişafak” gazeti, “Oktaý Pelosiniň Ermenistanda beren beýannamasyna reaksiýa bildirdi” söz başyly habarynda, Prezidentiň orunbasary Fuat Oktaý, ABŞ-nyň Wekiller Palatasynyň başlygy Nansi Pelosiniň Ermenistanda beren beýannamasyna berk garşylyk görkezendigini mälim edýär.

Fuat Oktaý, “taryhy hakykatlara bap bilmeýän, ýagşy niýetli bolmadyk, diplomatik tagallalary bökdeýän beýanatlar asla kabul edilmesiz” diýdi.

“Sabah” gazeti “Emine Erdogana ABŞ-da baýrak” söz başyly habarynda, Prezident R. T. Erdoganyň aýaly Emine Erdogana, ABŞ-daky Musulman guramalar geňeşi tarapyndan Nýu-Ýorkda geçirlen dabarada, bilim, daşky gurşaw we ynsanperwer kömek ýaly ugurlarda musulman zenanlara berilýän “Halkara üstünlik” baýragynyň gowşurlandygyny habar berýär.

“Habertürk” gazeti, “İlkinji türk ýolagçynyň kosmosa gitmegi üçin Amerikaly firma bilen şertnama baglaşyldy” söz başyly habarynda, Senagat we tehnalogiýa ministri Mustafa Warankyň, Fransiýanyň paýtagty Parižde Axiom Spaýs firmasy bilen ilkinji türk ýolagçynyň kosmosa gitmegi üçin şertnama baglaşylandygy hakyndaky sözlerine ýer berýär.

“Star” gazeti, energetika krizisi sebäpli gyş paslynyň agyr geçmegine alada bildirýän ýewropalylaryň gyşy Türkiýede geçirjekdigini ýazýar.

Energetika krizisi sebäpli tebigy gazyň nyrhynyň ýokarlandygy üçin ýewrolylaryň gyş paslyny Türkiýede geçirmegi saýlap alandygyny belleýär.