Türk metbugatynyň gysgaça mazmuny

Hürriýet gazedi: "Erdogan: Serhedimizi howpsuzlyk astyna alýanýança çenli göreşimiz dowam eder" söz başyly habarynda, Prezident Rejep Taýýip Erdoganyň düýn beren beýanatynda, Siriýanyň demirgazygynda geçirilmegi ähtimal operasiýa bilen baglanşykly: "Günorta serhedimizi 30 km çuňlukda bir koridor bilen howpsuzlyk astyna alynýança çenli terrora garşy göreşimiziň tamamlanmajakdygyny bütin dünýä ýene-de bir gezek yglan edýärin. Ýurdumyzyň howpsuzlygynyň ileri tutulýan ugurlaryna, öz meýilnamalarymyza görä operasiýalarymyzy dowam etdireris. Gijeleriň birinde duýdansyz gelip bileris. Hem-de islendik ýere gelip bileris" diýendigini habar berýär. 

Haber Türk gazedi: "Türk F-16 uçarlaryna Gresiýanyň uçarlary tarapyndan radiolokasion gulp atyldy" söz başyly habarynda, Türkiýäniň Goranmak ministrliginiň habar çeşmelerinden alynan maglumata görä, Egeý deňizinde NATO-nyň howadan möhletinden irki maglumat beriş uçary AWAKS uçary bilen Neksus Ase tälim uçuşyny amala aşyran 2 sany Türk F-16 harby uçarlarynyň, 24-nji awgustda Gresiýa degişli F-16 harby uçarlar tarapyndan radiolokasion gulp atylyp, biynjalyk edilendigini okyjy köpçüliginiň dykgatyna ýetirýär. Türk uçarlarynyň hem radiolokasion gulp atyp, gerek bolan garşylygy görkezendigi mälim edildi. 

Star gazedi: "Pendarowski: Türkiye hiç wagt sebitdäki halklary böljek bir pozisiýa eýelemedi" söz başyly habarynda, Demirgazyk Makedoniýa döwletiniň Prezidenti Stewo Pendarowskiniň Türkiýäniň Balkanlarda hiç wagt sebitdäki halklary böljek pozisiýa eýelemändigini aýdandygyny habar berýär. 

Watan gazedi: "Baýraktar TB2 rekord goýdy" söz başyly habarynda, Türkiýäniň awiasiýa taryhynda taktiki görnüşde 27 sagat 3 minut asmanda uçup, iň uzak möhletli asmanda uçuş amala aşyran we 27 müň 30 fut beýiklikde Türkiýäniň beýiklik rekordyny goýan Baýraktar TB2-niň 500 müň sagatlyk uçuş bilen bilen birlikde Türkiýäniň awiasiýa taryhyna adyny ýazdyrandygyny aýan edýär. 

Sabah gazedi: "Antalýa gelen syýahatçylaryň sany 8 million adamdan geçdi" söz başyly habarynda, Antalýa 21-nji awgusta çenli howa ýollary arkaly gelen syýahatçylaryň sanynyň 8,3 million adama ýetendigini, günlük ortaça 75-80 müň adam bilen aýyň ahyryna çenli Antalýa geljek syýahatçylaryň sanynyň 9 million adamdan geçmegine garaşylýandygyny beýan edýär.