Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Hürriýet” gazeti “Çawuşogly: konsullyk hyzmatlarynda mundan beýläk emeli intellektden peýdalanarys” söz başyly habarynda, Daşary işler ministri Mewlüt Çawuşoglunyň “Konsullyk hyzmatlarynda emeli intellektden peýdalanmaga başlajakdyklaryny, ençeme hyzmaty emeli intellekt arkaly 7 gün 24 sagadyň dowamynda bermäge golaýda başlajakdyklaryny” aýdandygyny ýazýar. 2019-njy ýylda sanly diplomatiýa insiatiwasyny başladandyklaryny nygtan Çawuşogly “Emeli intellektden daşarky syýasy wakalaryň kesgitlenmeginden, analiz edilmeginde-de peýdalanýarys” diýdi.
“Ýeni Şafak” gazeti “İbrahin Kalyn Baýdene 1915 boýunça reaksiýa bildirdi: Döwrebap barbarlar özüňize serediň” söz başyly habarynda, 1915-nji ýyldaky wakalar boýunça beren beýanatynda ýenede bir gezek “genosid” sözüni ulanan ABŞ-nyň Prezidenti Jo Baýdene reaksiýa bildiren Prezidentiň metbugat Sekretary İbrahim Kalynyň “Millionlarça adamy öldüren, dünýä söweşlerini başladan, köpçülikleýin gyryş ýaraglaryny öndüren, atom bombasyny taşlan, gul söwdasyny eden, adamlary haýwanat bagynda serdilän döwrebap barbarlar… Biziň taryhymyzda genosid, etniki saplaýyş, Holokost pajygasy ýok. Siz aýnada özüňize serediň” diýen sözlerini okyjy köpçüliginiň dykgatyna ýetirýär.
“Haber Türk” gazeti “Ministr Akar terrorizme garşy göreşiň egilşiksiz dowam etjekdigini aýtdy” söz başyly habarynda, Milli goranmak ministri Hulusi Akaryň Yrak serhedinde deňiz derejesinden belentligi 2,300 metr bolan Geýikdepe bazasynda esgerler bilen duşuşandygyny ýazýar. Türkiýäniň ilaty, medeniýeti, taryhy, harby goşuny we milleti bilen beýik döwletdigini nygtan Akar, terrorizme garşy göreşiň egikşiksiz dowam etjekdigini nygtady.
“Sabah” gazeti “PKK gaçara deşik galmady” söz başyly habarynda, Türk ýaragly güýçleriniň Yragyň demirgazygyndaky “Penje-Gulp” operasiýasynda Zap we Awaşin-Basýan jülgesinde howpsuz zolaklar döretmek maksady bilen sebiti ekstremist terror guramasy PKK-dan saplaýandygyna ünsleri çekýär. Agyr zarba urlan terrorçylaryň Gara we Kandile tarap çekilýändigi habar berilýär. Siriýanyň demirgazygynda-da PKK/ÝPG-ä soňky döwürde iň agyr zarba uruldy.
“Star” gazeti “Türkiýe Afrika kömek bermekde iňňän jomart” söz başyly habarynda, merkezi Londonda ýerleşýän “The Ekonomist žurnalynda çap edilen analiz makalada, Türkiýaniň Afrika ýurtlary bilen syýasy, ykdysady we medeni ugurlarda ösýän gatnaşyklarynyň seljerilendigini ýazýar. Türkiýäniň ynsanperwer kömek işleri bilen Afrika gatnaşyklaryny ösdürendigine üns çekilýän analiz makalada, “Türkiýe esasanda harby we ykdysady taýdan kömege mätäç bolsaňyz açyk goldaw berýänlikde tanalýar” diýilýär.
