Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Hürriýet” gazeti “Prezident Erdogan: Russiýanyň operasiýasy kabul edilmesiz” söz başyly habarynda, Prezident R.T.Erdoganyň Russiýanyň Ukrainanyň territoriýasynda başladan operasiýasynyň kabul edilmesizdigini aýdandygyny ýazýar. Erdogan; “Halkara hukuk kadalaryna bap gelmeýän, sebitiň parahatçylygyna, asudalygyna we durnuklylygyna urlan agyr zarba” diýdi.
“Sabah” gazeti “Daşary işler ministrliginiň Russiýa hakyndaky beýanaty” söz başyly habarynda, Daşary işler ministrliginiň Russiýanyň Ukraina guraýan harby operasiýasynyň kabul edilmesizdigini nygtap, Russiýa Fedarasiýasyny şol nahak we hukuksyz hereketini dessine bes etmäge çagyrandygyny ýazýar.
“Haber Türk” gazeti “Ak partiýasynyň metbugat Sekretary Çeloigiň Montr ylalaşygy hakyndaky beýanaty” söz başyly habarynda, Adalat we ösüş partiýasynyň metbugat Sekretary Ömer Çeligiň Russiýa-Ukraina dartgynlygy hakynda “Montr şertnamasynyň onýektiw hökümlerini Türkiýe gyşarnyksyz bercaý eder. Türkiýäniň ygtyýaryna bagly meselelerde Türkiýe urşy çuňlaşdyrýan, çaknyşygy giňeldýän we dartgynlygy hasam agyrlaşdyrýan meselelerde öz ygtyýaryny parahatçylyk üçin ulanar” diýen sözlerini çap edýar.
“Ýeni Şafak” gazeti “Ukrainanyň ýaragly güýçleri “Baýraktar TB2” uçarmansyz howa ulaglaryna ünsi çekýär” söz başyly habarynda, Ukrainanyň Baş ştabynyň rus goşunlarynyň hücümlerine garşy Ukrainanyň ýaragly güýçlerine degişli “Baýraktar TB2” ýaragly uçarmansyz howa ulaglaryndan işceň peýdalanylýandygyny habar berendigini okycy köpçüliginiň dykgatyna ýetirýär. Ulaglaryň Putiwlde rus tanklarynyn hücümlerini durzandygy habar berildi.
“Star” gazeti “Türkiýe bilen Ermenistan ylalaşdy” söz başyly habarynda, Daşary işler ministrliginiň Türkiýe bilen Ermenistanyň gatnaşyklaryň doly kadalaşmagyny nazarda tutýan gepleşikleri şertsiz dowam etdirmek boýunça ylalaşandyklaryny beýan edendigine ünsleri çekýär.
