Türk metbugatynyň gysgaça mazmuny

“Hürriýet” gazeti, “Prezident Erdogan, Türkiýe bilen Senegal arasyndaky täze söwda maksadyny aýan etdi” söz başyly habarynda, Prezident R. T. Erdogan Senegala guraýan resmi saparynyň çäginde paýtagt Dakarda geçirlen Senegal-Türkiýe işewürler forumynda eden çykyşynda “Özara söwda mukdarymyz 400 million dollara barabar boldy. Jenap Prezident bilen söwda mukdaryny 1 milliard dollara ýetirmegi maksat edinýäris” diýendigini habar berýär.

“Sabah” gazeti, “Şentop: Gruziýanyň özygtyýarlygyna we territorial bitewiligine goldaw bermäge dowam ederis” söz başyly habarynda TBMM-niň Başlygy Mustafa Şentopyň, Gruziýa guraýan resmi saparynyň çäginde beren beýannamasynda “Gruziýanyň özygtyýarlygyna we territorial bitewiligine güýçli goldaw bermäge dowam ederis”diýendigini belleýär.

“Habertürk” gazeti, “Türkiýäniň Uçarmansyz howa ulaglary dünýäniň iň gowy uçarmansyz howa ulaglaryndan biri” söz başyly habarynda Baýkar Tehnalogiýa firmasynyň lideri Selçuk Baýraktaryň “Türkiýe, daşary ýurtlardan uçarmansyz howa ulagyny satyn almakdan halas boldy we türk uçarmansyz howa ulaglary dünýäniň iň gowy ulaglaryndan biri”diýen sözlerini okyjylarynyň dykgatyna ýetirýär.

“Star” gazeti, “Ýanwar aýynda Türkiýä gelen daşary ýurtly syýahatçylaryň sany 1 milliondan geçdi” söz başyly habarynda, Medeniýet we syýahatçylyk ministrliginiň görkezijilerine görä, Türkiýä ýanwar aýynda daşary ýurtda 1 million 281 müň 666 adam geldigini mälim edýär.

 Russiýa şol sanawda 134 müň 215 adam bilen birinji orny eýeledi. Sanawda Russiýadan soň 109 müň 971 adam bilen Bolgariýa ikinji, 106 müň 957 syýahatçy bilen Eýran hem üçünji orny eýeledi.

“Ýeni Şafak” gazeti Türk Howa Ýollarynyň tomus aýlarynda Antalýadan, Dalamandan, Bodrum-Milasdan we Izmirden 29 ýurdaky 47 şähere hepdede 388 uçar saparyny gurajakdygyny habar berýär.