Türk metbugatynyň gysgaça mazmuny

“Haber Türk” gazeti “MHG-niň jarnamasynda Russiýa ve Ukraina parasatlylyk çagyryşy” söz başyly habarynda, Milli howpsuzlyk geňeşiniň jarnanasynda Russiýa bilen Ukrainanyň arasynda dartgynlygyň mövç almagynyň hiç kime bähbit getirmejekdigi nygtalyp, taraplara parasatlylyk bilen dartgynlygyň azaldylmagy üçin çagyryş edilendigini ýazýar.

“Star” gazeti “Putin Erdoganyň çakylygyny kabul etdi” söz başyly habarynda, Russiýanyň Prezidentiniň mebugat Sekretary Dmitriý Peskowyň Wladimir Putiniň Prezident R.T.Erdoganyň Türkiýä çakylygyny hoşallyk bilen kabul edendigini aýdandygyny mälim edýär.

“Hürriýet” gazeti “Çawuşoglynyň Russiýa-Ukraina meselesindäki ýüzlenmesi” söz başyly habarynda, Russiýa bilen Ukrainanyň arasyndaky dartgynlyk hakynda beýannama beren Daşary işler ministri Mevlüt Çavuşoglynyň; “Dartgynlyk çaknyşyga öwrülmeli däl. Biz Ukraina bilen dialogyň dowam etmegini arzuw edýäris” diýen sözlerini okyjy köpçüliginiň dykgatyna ýetirýär.

“Sabah” gazeti “Türkiýeden Ovganystana ynsanperver kömegini alyp giden otly ýola düşdi” söz başyly habarynda, Prezident R.T.Erdoganyň görkezmesine laýyklykda Türkiýeden Owganystana ynsanperver kömegini alyp giden otlulardan ilkinjisi Ulaglar ve infrastruktura ministri Adil Karaismailogly bilen Içeri işler ministri Süleýman Soýlunyň gatnaşmagyndaky dabara bilen Ankaradan ugradylandygyny ýazýar. otly 750 tonna barabar ýük alyp gitdi.

“Ýeni Şafak” gazeti “Türkiýäniň üç burawlaýyş gämisi Gara deňizden gaz çykarmak üçin utgaşykly işlär” söz başyly habarynda, Türkiýäniň jemi 540 milliard m3 tebigy gaz tapan Gara deňiziň ýalpaklarynda “Ýavuz” buravlaýyş gämisiniň mart aýynyň ahyrynda işe girişmegine garaşylýandygyny ýaýzar. Şeýlelikdäki Türkiýäniň üç burawlaýyş gämisi “Fatih,” “Kanuny” ve “Ýawuz” Gara deňiz gazynyň 2023-nji ýylda ulanmaga berilmegi üçin utgaşykly iş alyp barar.