Türk metbugatynyň gysgaça mazmuny

“Haber Türk” gazeti “Prezident Erdogan G20-niň nobatdan daşary sammitindäki beýanaty” söz başyly habarynda, Prezident R.T.Erdoganyň düýn G20-niň Owganystan mowzukly nobatdan daşary Liderler sammitine gatnaşandygyny ýazýar. Prezident Erdogan: “Halkara jemgyýetçiliginiň owgan halkyndan ýüz öwürmäge, Owganystany ýalňyz goýmaga haky ýokdur. Owganystan bilen gatnaşyklary dowam etdirip, Talibany giň gerimli hökümet gurmaga ugrukdyralyň” diýdi.

“Ýeni Şafak” gazeti “Daşary işler ministri Mewlüt Çawuşogly Owganystan hakynda beýannama berdi” söz başyly habarynda, Daşary işler ministri Mewlüt Çawuşoglunyň Owganystandaky soňky ýagdaýlar hakynda beýannama berendigini ýazýar. Ýurtda başdan geçirilýän wakalar bilen ýakyndan gyzyklanýandyklaryny beýan eden Çawuşogly: “Käbir daşary işler ministrleri bilen Kabula gitmegi meýilleşdirýäris” diýdi.

“Hürriýet” gazeti “TBMM-niň Başlygy Şentop Ispaniýa gutlag hatyny ugratdy” söz başyly habarynda, Türkiýäniň Beýik Millet Mejlisiniň Başlygy Mustafa Şentopuň Ispaniýanyň Wekiller Palatasynyň Başlygy Meritsel Batet bilen Ispaniýanyň Senatynyň Başlygy Ander Gyl Garsiýa hat ugradandygyny mälim edýär. Şentop hatynda 2021-nji ýylyň sentýabr aýynyň 19-21-i aralygynda Ispaniýa guran saparynyň dowamynda özüne we Türkiýäniň wekiliýetine mähirli myhmansöýerlik üçin sagbolsun aýtdy.

“Watan” gazeti “Senagat önümçiliginiň görkezijileri çap edildi” söz başyly habarynda, Türkiýäniň Hasabatlar guramasynyň awgust aýyna degişli senagat önümçiliginiň indeksini çap edendigini ýazýar. Şoňa laýyklykda senagat önümçiligi indeksi awgust aýynda 5,4, ýyllyk mukdarda bolsa 13,8 göterim ösüş etdi.

“Star” gazeti “IMF Türkiýänin ösüş görkezijileri boýunça çaklamasyny beýan etdi” söz başyly habarynda, Halkara pul gaznasynyň Türkiýäniň ykdysadyýetiniň 2021-nji ýyl üçin ösüş çaklamasyny 5,8 göterimden 9 göterime ýetiren bolsa, 2022-nji ýyl üçin çaklamasyny 3,3 göterimden üýtgetmändigini mälim edýär.