Türk metbugatynyň gysgaça mazmuny
Ýurduň we dünýäniň ileri tutulýan ugurlary bilen bagly habarlar gündelik gazetlerde giň beýan tapýar
“Star” gazeti “Prezident Erdogan koronawirusa garşy goşmaça çäklendirmeleriň girizilendigini beýan etdi” söz başyly habarynda, Prezident R.T.Erdoganyň koronawirusa garşy görülen çäreleriň çäginde goşmaça çäklendirme kararynyň kabul edilendigini, şuňa laýyklykda her gün Türkiýe wagty boýunça sagat 21:00-dan 05:00 aralygynda umumy köçä çykma çäkdirmesiniň güýje girjekdigini, şol çäklendirmäniň hepdäniň dynç alyş günleri üçin anna güni 21:00-dan duşenbe güni 05:00-a çenli dowam etjekdigini ýazýar.
“Sabah” gazeti “Erdogan geljek aý sanjyma başlaýarys” söz başyly habarynda, Prezident Erdoganyň sanjym boýunça dünýädäki täzelelikler bilen ýakyndan gyzyklanýandyklaryny nygtap: “Birinji tapgyrda 50 million doza üçin şertnama baglaşdyk. Raýatlarymyz üçin sanjym tölegsiz elýeterli bolar” diýen Erodganyň geljek aý saglygy goraýyş işgärleriniň sanjymyna başlanjakdygyny aýdandygyny okyjy köpçüliginiň dykgatyna ýetirýär.
“Hürriýet” gazeti “Gresiýa başga gapylarda çözgüt gözläp, ýalňyşýar” söz başyly habarynda, Milli goranmak ministri Hulusi Akaryň Gresiýanyň Gündogar Ortaýer deňizinde gepleşiklerden hususan çetde durýandygyny, başga gapylarda çözgüt gözlemek bilen ýalňyşýandygyny beýan edendigine ünsleri çekýär. Gazet ministr Akaryň Gündogar Ortaýer deňizi meselesinde dartgynlygy artdyrýan tarapyň Gresiýadygyny nygtap, Türkiýäniň çözgüt boýunça edilmeli başlangyçlaryň ählisini etmäge synanşýandygyny aýtdandygyny mälim edýär.
“Ýeni Şafak” gazeti “Azerbaýjanyň goşunlary 28 ýyl ermeniler tarapyndan basylyp alynan Laçyna bardy” söz başyly habarynda, Azerbaýjanyň goşunlarynyň 28 ýylyň dowamynda ermenileriň gabawynda bolan Laçyna barandygyny, Ermenistan serhedinde ýerleşýän Laçynyň Daglyk Garabag bilen Ermenistanyň arasyndaky ýeke-täk ýol bolan “Laçyn Koridory” atlandyrylýan ýoluň strategik ähmiýeti sebäpli 1990-njy ýyllardaky söweşde ermeni güýçleriň ilkinji nyşanalarynada biri bolandygyny we 1992-nji ýylyň 18-nji maýynda basylyp alynandygyny ýazýar.
“Haber Türk” gazeti “Türkiýe iň ýokary depginde ösen ýurt boldy” söz başyly habarynda, Türkiýäniň ýylyň üçünji çarýegindäki ösüş görkezijilerini beýan eden 51-nji ýurt bolup, dünýäniň iň ýokary depginde ösen ýurdy bolandygyny mälim edýär. Habarda häzirki wagta çenli Türkiýeden daşgary Hytaýyň, Taýwanyň we Wiýetnamyň položitel ösüş beýan edendigini okyjy köpçüliginiň dykgatyna ýetirýär.
