Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
Watan gazedi: "Prezident Erdogan ÝB-niň liderlerine hat ugratdy" söz başyly habarynda, Türkiýäniň Prezidenti Rejep Taýýip Erdoganyň, Ýewropa Bileleşiginiň guramalarynyň başlyklaryna we agza ýurtlarynyň liderlerine hat ugradyp, Türkiýäniň Gündogar Ortaýer deňizi babatyndaky pozisiýasy we meseleleriň çözgüdi bilen baglanşykly tekliplerini belläp geçendigini habar berýär.
Hürriýet gazedi: "Çawuşogly: Azerbaýjan islese goldaw bermäge taýardyrys" söz başyly habarynda, Türkiýäniň Daşar işler ministri Mewlüt Çawuşoglynyň, Ermenistanyň Azerbaýjana garşy başladan hüjümleri bilen baglanşykly düýn beren beýanatynda: "Azerbaýjan muny meýdanda çözmek isleýän bolsa, Azerbaýjana goldaw bereris" diýendigini mälim edýär.
Sabah gazedi: "Milli Goranmak ministrliginden beýanat: Ermenistan ýalan habarlar orta atýar" söz başyly habarynda, Milli Goranmak ministrliginiň, Ermenistan tarapyndan Türk harby uçarlar we ýaragly uçarmansyz howa ulaglar bilen baglanşykly ýalan habarlaryň orta atylýandygyny aýan edýär. Ministrlik tarapyndan berilen beýanatda: "Bular Ermenistanyň öňünde Türkiýäniň bardygyny öňe sürüp, arkasyndaky goldawy artdyrmak maksady bilen edilýän gara propogandadan başga zat däldir" diýip belledi.
Star gazedi: "Ministr Karaismailogly: Türkiýe awiasia ugrunda dünýäniň öňdebaryjy ýurtlaryň arasyna goşuldy" söz başyly habarynda, Transport we infrastruktura ministri Adil Karaismailoglynyň, Türkiýäniň awiasia pudagy boýunça dünýäniň öňdebaryjy ýurtlaryň arasyna goşulandygyny aýdandygyny beýan edýär. Karaismailogly: "2003-nji ýylda 26 bolan howa menzillerimiziň sanyny 56-a ýetrdik. Ýurdyň içindäki uçar saparlary boýunça 2 merkezden 26 nokada bolan gatnawlarymyzyň sanyny 7 merkezden 56 nokada ýetirdik. 50 ýurtda 60 nokada bolan daşary ýurt uçar saparlarymyzyň sanyny bolsa 127 ýurtda 329 nokada ýetirdik. Bu maýa goýumlarymyz bilen pul dolanşygymyzy 2,2 milliard dollardan 27,2 milliard dollara we ýurdumyzy awiasia ugrunda dünýäniň öňdebaryjy ýurtlaryň arasyna goşdyk" diýip nygtady.
Haber Türk gazedi: "Denizli welaýatynda 9 million ýyl ozala degişli taryhy galyndylar tapyldy" söz başyly habarynda, Medeniýet we syýahatçylyk ministrliginiň koordinasiýasynda geçirilýän gazuw-agtaryş işleriniň netijesinde Denizli welaýatynyň Tawas we Beýagaç etraplarynda 9 million ýyl ozala degişlidigi çak edilýän pile we garynja iýýän haýwana degişli süňk galyndylarynyň tapylandygyny okyjy köpçüliginiň dykgatyne ýetirýär.
