Türk metbugatynyň gysgaça mazmuny

Star gazedi: “Hulusi Akar: ABŞ-niň S-400 bilen bagly pozisiýasy hyzmatdaşlyk ruhuna ters” söz başyly habarynda, Türkiýäniň Milli Goranmak ministri Hulusi Akaryň, Russiýadan satyn alynjak S-400 howa goranyş ulgamlary babatyndaky aladalary maslahatlaşmak üçin ABŞ bilen tehniki gepleşikler geçirmäge taýýardyklaryny aýdandygyny okyjy köpçüliginiň dykgatyna ýetirýär. Gazet Akaryň: “ABŞ-niň S-400 bilen bagly howplary, ultimatomlary we möhlet bermeleri konstruktiw däl, mundan başgada hyzmatdaşlyk ruhuna ters” diýendigini belleýär.

Sabah gazedi: “Ministr Berat Albaýrak, Tramp bilen duşuşdy” söz başyly habarynda, ABŞ-da iş saparynda bolýan Gazna we maliýe ministri Berat Albaýrakyň Ak Tamda Prezident Tramp bilen duşuşandygyny habar berýär. Berat Albaýrak Twitter hasabyndan beren habarnamasynda ABŞ-nyň paýtagty Waşingtondaky duşuşyklarynyň dowamynda Prezident Tramp tarapyndan kabul edilendigini habar berdi. Gazet Albaýrakyň: “Gazna ministri Stiw Mnuçin we Baýry baş geňeşçi Žared Kuşner bilen hyzmatdaşlygymyzy ösdürmek boýunça geçirýän maslahatlarymyzyň dowamynda ABŞ-nyň Prezidenti Hormatly Tramp tarapyndan kabul edildik. Hormatly Trampa Prezidentimiziň salamyny we ýüzlenmesini ýetirdik” diýip ýazandygyny aýan etdi. Duşuşykda Russiýadan S-400 howa goranyş ulgamynyň alynmagy, iki ýurduň arasyndaky söwda mukdarynyň 75 milliard dollara ýetirilmegi, sebitleýin meselelerde hyzmatdaşlyk ugurlary barada pikir alyşandyklaryny beýan eden Albaýrak; “Trampdan iňňän gowy jogaplar aldyk” diýdi we olary Prezident R.T.Erdogana ýetirjekdigini aýtdy.

Hürriýet gazedi: “Türkiýe syýahatçylykdaky maksatlaryny özgerdýär” söz başyly habarynda, Medeniýet we syýahatçylyk ministri Mehmet Nuri Ersoýyň, 15-22-nji aprel aralygynda bellenip geçilýän Syýahatçylyk hepdeligi mynasybetli ýüzlenme çap edendigini habar berýär. Türkiýäniň Medeniýet we syýahatçylyk ministri Mehmet Nuri Ersoý: “Türkiýe ähli ugurlarda bolşy ýaly syýahatçylyk pudagyndada 2023-nji ýyldaky maksatnamalara egsizlmez ygtyýar we ynamly ädimler bilen öňe barýar. Marka şäherlerden gastronomiýa, arheologiýadan desgalaşmaga, transportdan dynç alyşa we işgärleriň hiline, syýahatçylyk üçin edýän her ädimimiz Türkiýäni halkara arenada lider bir ýurt ýagdaýyna beýgeltmek maksady bilen edilýär” diýip belledi.

Haber Türk gazedi: “Stambul senagat palatasy Türkiýäniň Eksport gurşawy indeksiniň 52,3 göterim bolandygyny aýan etdi” söz başyly habarynda, Türkiýäniň önümçilik pudagynyň esasy eksport bazarlaryndaky iş şertlerini derňeýän Stambulyň Senagat palatasynyň Türkiýäniň Eksport gurşawy indeksiniň ilkinjisini aýan edendigini mälim edýär. Indeks mart aýynda 52,3 göterime barabar boldy.

Ýani Şafak gazedi: “Daşary ýurt gurluşyk taslamalarynda planka artdy: Maksat 50 milliard dollar” söz başyly habarynda, Türkiýäniň Potratçylar bileleşiginiň, Gurluşyk pudagy analizinde möhüm netijeler alandygyny habar berýär. Habarnama görä türk potratçylar şu ýyl daşary ýurtlardaky 10 müňünji gurluşyk taslamasyna tarap barýar. Daşary ýurtlardaky hyzmatlar ýaňadandan 20-30 milliard dollar derejä ýetdi. Maksat 2023-nji ýylda 35 milliard, 2030-njy ýylda 50 milliard. Şeýlelik bilen global bazardaky paýy 7 göterime ýeter.