Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Watan” gazeti “ASELSAN-yň raketa atyjy ulgamy Ukrainada” söz başyly habarynda Harby Elektronik senagaty ASELSAN-yň taýarlan raketa atyjy ulgamynyň Ukrainadaky synaglardan üstünlikli ýagdaýda geçendigini habar berýär.
ASELSAN tarapyndan berlen beýanata görä, Ukrainanyň LUCH firmasy tarapyndan öndürlen Skif raketasynyň ASELSAN tarapyndan taýarlanan atyjy ulgama utgaşyklyk işleri Ukrainadaky iki üstünlikli raketa atyşy bilen tamamlandy.
ASELSAN 6 aýda ulgamy taýarlady, öndürdi we üstünlikli synagdan geçirdi.
Raketalar 5 kilometr alysdaky nyşana atyldy.
Ulgam ABŞ-da, Britaniýada, Ukrainaa we Russiýada öndürlen tapawutly raketalary atmak üçin taýarlandy we synagdan geçirildi.
“Star” gazeti “Türkiýe bilen Gazagystan bilelikde raketa öndürer” söz başyly habarynda Gazagystanyň paýtagt Astanada geçirilýän Halkara 5-nji KADEX 2018 ýarag we harby enjam sergisinde Türkiýäniň Roketsan firmasy bilen Gazagystanyň arasynda bilelikde raketanyň öndürilmegi üçin ylalaşyk teswirnamasynyň baglaşylandygyny ýazýar.
“Ýeni Şafak” gazeti “Hususy pudak iş mümkinçiliginiň döredilmegine uly goşant goşýar” söz başyly habarynda, hususy pudagyň iş mümkinçiligiň döredilmegine uly goşant goşmaga dowam edýändigini habar berýär.
Hyzmat, awtomobil we energetika pudagynda iş alyp barýan birnäçe firmanyn soňky 1 hepde-de 6500 adam üçin iş mümkinçiligini döredendigini nygtaýar.
“Hürriýet” gazeti “Şimşek bilen Çetinkaýa daşary ýurtly maýadarlar bilen duşuşar” söz başyly habarynda Wise-premýer Mehmet Şimşek bilen Merkezi bankyň başlygy Murat Çetinkaýanyň maý aýynyň 28-29-y aralygynda duşenbe güni Britaniýa sapar gurajakdygyny ýazýar.
Gazet Şimşek bilen Çetinkaýanyň paýtagty Londonda daşary ýurtly maýadarlar bilen duşuşjakdygyny mälim edýär.
