Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Haber Türk” gazeti “Erdogan Hytaýyň döwlet Başlygy bilen telefon arkaly söhbetdeşlik geçirdi” söz başyly habarynda, Prezident R.T.Erdoganyň Hytaýyň döwlet Başlygy Si Szinpin bilen telefon arkaly söhbetdeşlik geçirip, Siriýa meselesini ara alyp maslahatlaşandygyny ýazýar.
“Star” gazeti “Stoltenberg: “Türkiýäniň milli karary” söz başyly habarynda, NATO-nyň baş Sekretary Ýens Stoltenbergiň Gollandiýanyň Parlamentinde Daşary işler ministrliginiň maslahatynda halk deputatlarynyň soraglaryna jogap berendigini mälim edýär. Habarda Stoltenbergiň Türkiýäniň Russiýadan S-400 raketa goranyş ulgamyny almak islegini Türkiýäniň milli karary hökmünde häsýetlendirendigini, esasy meseläniň S-400-iň umumy ulgama utgaşyklygydygyny aýdandygyna üns çekilýär.
“Watan” gazeti “Katar bilen Türkiýäniň bilelikdäki harby türgenleşigi” söz başyly habarynda, Kataryň ýer eýeçiliginde guralan “Şahin-20” türgenleşiginiň Türkiýäniň gatnaşmagynda aprel aýynyň 22-29-y aralygynda geçiriljekdigini ýazýar. Gazet türgenleşik bilen Türkiýäniň we Kataryň Harby howa güýçleriniň arasyndaky dostlugyň, hyzmatdaşlygyň, utgaşyklygyň we bilelikde işleşme tejribesiniň güýçlendirilmeginiň, maglumat we tejribe alyşmagyň maksat edinilýändigini okyjy köpçüliginiň dykgatyna ýetirýär.
“Watan” gazeti “Prezidentiň çagyryşyna berilýän goldaw artýar” söz başyly habarynda, Prezident R.T.Erdoganyň Global telekeçilik maslahatynda döwletleriň Amerikan dollary bilen karz alýandygyny we onuň durnukly bolmandygyny nygtap, altyn bilen karz almagy teklip edendigini, şol çagyryşa ykdysadtçylaryň syýasy meçew bermeleriň öňüni almagy, halkara söwda gatnaşyklaryny ýeňilleşdirmek hem-de global hyzmatdaşlygy ösdürmek taýdan möhümdigini beýan edip, goldaw berendigine ünsleri çekýär.
“Hürriýet” gazeti “Suw astynda galjak etraba syýahatçylaryň ünsi artýar” söz başyly habarynda, Ylysu bendiniň açylmagy sebäpli suwuň aşagyda galjak Batman welaýatynyň Hasankeýf etrabyna müňlerçe adamyň gelmäge başlandygyny, Türkiýäniň çar tarapyndan gelýäň syýahatçylaryň etraby suwuň aşagynda galmazdan ozal görmek isleýandigini mälim edýar.
Degişli Habarlar
Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
