Türk metbugatynyň gysgaça mazmuny

“Sabah” gazeti “Erdogan THÝ-nyň daşary ýurtlardaky wekillerini kabul edi” söz başyly habarynda Prezident R. T. Erdoganyň Beştepedäki Millet medeniýet we kongres merkezinde THÝ-nyň daşary ýurtlardaky wekillerini kabul edendigini ýazýar.

Prezident Erdogan kabul edilşikde THÝ-nyň ýurduň çetki nokadyna çenli uçýandygyny we ýolagçylaryna ýokary hyzmat edýändigine aýratyn ünsi çekdi.

Erdogan çykyşynda Türkiýe bilen birlikde daşary ýurtlarda ýakyndan tanalýan THÝ-nyň özlerini buýsandyrýandygyny belledi.

“Ýeni Şafak” gazeti Eýranyň we Russiýanyň ilçileri Daşary işler ministrligine çagyryldy” söz başyly habarynda Siriýada Başar Asada tabynlykdaky güýçleriň Idlib şäherine guran hüjümlerinden soň Türkiýäniň Russiýanyň Ankaradaky Adatdan daşary we Doly ygtyýarly ilçisi Alekseý Ýerhow bilen Eýranyň Ankaradaky Adatdan daşary we Doly ygtyýarly ilçisi Muhammed Ibrahim Taherian Fardy Daşary işler ministrligine çagyrandygyny habar berýär.

Türkiýe Asada tabynlykdaky güýçleriň Siriýada çaknyşyksyz zolakda hüjümlerini dowam edirmeginiň özlerini biynjalyk edýändigini harby we diplomatik taýdan Astanada Siriýanyň hökümetiniň hemaýatkärligini öz üstüne alan Russiýaly we Eýranly ýolbaşçylara bildirdi.

Asada tabynlykdaky güýçleriň çaknyşyksyz zolakda hüjümlerini dowam etdirmegi sebäpli soňky gezek rus ilçisi Ýerhow şu gün Daşary işler ministrligine çagyryldy we Türkiýäniň waka garşylyk görkezendigi beýan edildi.

“Watan” gazeti “Janikliden S-400 beýanaty” söz başyly habarynda Milli Goranmak ministri Nurettin Janikliniň žurnalistleriň S-400 roketa goranyş ulgamlary meselesinde baglaşylan karz şertnamasy hakyndaky soraglaryna jogap berendigini ýazýar.

Ministr Janikli S-400 roketa goranyş ulgamlarynyň satyna alynmagy üçin amatly karz şertnamasynyň baglaşylandygyna ünsi çekdi.

“Ýeni Şafak” gazeti “Kanal Riwa üçin gollar goýuldy” söz başyly habarynda Stambul Beýkoz etrap häkimliginiň  bir gurluşyk firmasy bilen Riwa çaýynyň daş-töwereginiň gorag astyna alynmagy üçin şertnama baglaşandygyny habar berýär.

Şeýlelikde Kanal Riwa taslamasynyň durmuşa geçirilmegi üçin işe girişildi.

“Haber Türk” gazeti “Ak jennetiň gadymy howuzy şypa paýlaýar” söz başylygy habarynda BMG-nyň Ylymi bilim we medeniýet düzümi ÝUNESKO tarapyndan Dünýäniň medeni miras sanawyna alynan Pamukkale şäherinde ýerleşýän gadymy Hierapolis şäherindäki ýyly suwly bejeriş howuzynyň ünsleri özüne çekýändigini ýazýar.

Biziň eramyzdan soňky 692-nji ýylda bolan ýer titremesinde sütünleriň ýykylmagy we ýyly suwyň bir ýere jemlenmegi bilen tebigy ýagdaýda emele gelen we gyş-ýaz ýylylygy 36 gradus bolan gadymy howuz şol günden bäri şypa paýlamaga dowame dýär.