Türk metbugatynyň gysgaça mazmuny

“Sabah” gazeti “Demokratiýa nobatlary dowam edýär” söz başyly habarynda, 15-nji iýuldaky agdarlyşyk synanşygynyň 1-nji ýyly sebäpli geçirilýän hatyralama çäreleriniň we tutulýan nobatlaryň ýurduň çar tarapynda dowam edýändigini ýazýar. Gazet Şanlyurfa welaýatynyň Raia meýdanyna ýygnanan müňlerçe raýatyň demokratiýa nobatyna durandygyny, şehitler üçin namaz we doga okandygyny, welaýatyň Hilwan we Jeýlanpynary etraplarynda-da 15-nji iýulda şehit bolanlaryň hatyrasyna köpçülikleýin doga okalandygtyny okyjy köpçüliginiň dykgatyna ýetirýär. Habarda Uşak we Adapazary welaýatlarynda-da Demokratiýa meýdanlarynyň raýatlar bilen dolup-daşandygy mälim edilýär.

“Haber Türk” gazeti “Erdogan; 15-nji iýul biziň täze Çanakgalamyz” söz başyly habarynda, Prezident R.T.Erdoganyň Prezidentiň kompleksinde geçirilen 15-nji iýul şehitleri hatyralama çaresinde çykyş edendigini, Erdoganyň; “Çanakgala ýenişinden alan güýjümiz we ynamymyz bilen Azat edijilik söweşimizde ýeňiş gazandyk. 15-nji iýul biziň täze Çanakgalamyz” diýen sözlerini çap edýär. Habarda Fetullahçy terror guramasy FETÖ-niň agdarlyşyk synanşygyny yza serpikdiren millete buýsanýandygyny nygtan Erdoganyň, milletiň indi asla FETÖ ýaly ynanjyndan bilim we haýyr-sahawat duýgulary arkaly hyýanatçylyk peýdalanyp, dönüklik zäherini damarlaryna guýmak islän guramanyň ýurdunda iş alyp barmagyna ýol bermejekdigtini aýdandygy nygtalýar.

“Watan” gazeti “Jerimesi has-da agyr bolar” söz başyly habarynda, Premýer ministr Binali Ýyldyrymyň Stambulda gazetleriň redaktorlary bilen geçiren duşuşygynda sözlän sözünde, agdarlyşyk synanşygy ähtimallygynyň bardygyna ynanmaýandygyny nygtap; “Emma şeýle dälilik, akmaklyk etmäge synanşsalar, bu gezek jerimesi hasam agyr bolar. Hemmeler bilsin” diýen sözlerine üns çekilýär.

“Ýeni Şafak” gazeti “Oun pudagyna 60 milliardlyk maýa goýum goldawy” söz başyly habarynda, oýun taslamalaşdyryş pudagynda Türkiýäniň bir merkeze öwürlmegi üçin ýörite düzgünnamalaryň çykaryljakdygyny, geçen ýyl 500 million dollarlyk girdeji alynan pudak boýunça salgytda ýeňillikleriň dörediljekdigi okyjy köpçüliginiň dykgatyna ýetirilýär.

“Star” gazeti “Dünýä ýyldyzlary Bodrumy saýlap aldy” söz başyly habarynda, Türkiýäniň meşhur syýahatçylyk zylagy Bodrumda dünýä belli meşhur braziliýaly ýyldyz Adriana Limadan soň Kate Mossyň hem dostlary bilen Bodruma dynç almaga gelendigini ýazýar.