Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Sabah” gazeti “Prezident Erdogan Bahreýinden Yslam dünýäsine ýüzlendi: “Zuluma we terrora garşy jebislikde hereket edeliň” söz başyly habarynda Prezident R. T. Erdoganyň Pars aýlag ýurtlaryna guraýan saparynyň ilkinji duralgasy Bahreýinde hiç kimiň yslam bilen terroryň birlikde agzamaly däldigine ünsi çekendigini ýazýar.
“Dünýäde musulmanlar terror guramalary sebäpli garalanmaly däl” diýen Prezident Erdogan “Biziň ykbalymyz, geçmişimiz we geljegimiz bir. Birlikde hereket etmegiň wagty geldi. Terrora garşy göreşde biz öz üstümize düşýän jogapkärçiligi ýerine ýetirýäris we Ýefrat galkany operasiýany guraýarys” diýendigini belleýär.
“Star” gazeti “Türkiýe telekeçiler üçin amatly merkez bolar” söz başyly habarynda Londonyň gymmatly kagyzlar biržasynyň hemaýatkärliginde Global maýa goýum forumynyň Stambulda öz işine başlandygyny habar berýär.
Gazet dünýäniň çar tarapyndan 100-den gowrak doklatçynyň gatnaşmagynda geçirilýän forumda 21-nji asyryň global maýa goýum syýasatlarynyň ara alnyp maslahatlaşyljakdygyny belleýär.
Gazet Bütindünýä Maýadarlar forumynyň başlygy Baýbars Altunbaşyň “Geçen ýyl iň gowy 320 müň telekeçi Ýewropada 6,7 milliard ýewro, Amerikada bolsa 26 milliard dollarlyk maýa goýdy” diýen sözlerine ýer berýär.
“Haber Türk” gazeti “Çaýkur Marokko çaý eksport etmäge başlady” söz başyly habarynda çaý öndürýän Çaýkur firmasynyň türk çaýynyň Marokko eksport edilmegi üçin şertnama baglaşandygyny mälim edýär.
Gazet Çaýkuryň başlygy İmdat Sütlüoglynyň mesele hakynda beren ýazmaça beýanatynda “Baglaşylan şertnama laýyklykda ilki sowuk çaýymyz Marokko eksport ediler. Marokko bilen baglaşylan şertnama biziň üçin diýseň möhüm. Marokky Demirgazyk Afrikada ýerleşýän ykdysady ösüş depgini diýseň ýokary bolan ýurt. Bu bazar biziň üçin diýseň möhüm”diýen sözlerini ýatladýar.
“Ýeni Şafak” gazeti “Kiçi Ankobot tanky taýar” söz başyly habarynda Konýada öndürlen uçarmansyz howa ulagy Ankebotyň kamerasy we ýaragy bilen terrora garşy göreşe goşant goşmak üçin sabyrsyzlyk bilen garaşýandygyny ýazýar.
Gazet kiçi tankyň uzakdan gönükdirilýän ulgam bilen bombany täsirsiz ýagdaýa getirýändigini, ýangyn söndürýändigini we ýaralanan adamy göterýändigini nygtaýar.
“Hürriýet” gazeti Izmitde gadymy Nikomedia şäherinde geçirlen gazuw agtaryş işerinde tapylan Rim döwrüne degişli “İmerator we Nike” atly güberçek mermer panonyň 2009-njy ýylda Kojaelindäki arheologiýa muzeýinden ogurlanandygyny ýazýar.
Gazet Türkiýäniň ogurlanan esgeriň tapylmagy üçin İnterpola ýüz tutandygyny we esgerlerden biriniň Germaniýada auksionda ýüze çykandygyny belleýär.
Gazet auksionda Rim döwrüne degişli esgeriň 32 müň ýewro satylmak islenendigini ýatladýar.
Gazet Türkiýäniň Medeniýet we syýahatçylyk ministrliginiň taryhy eseriň yzyna berilmegi üçin kaziýete ýüz tutandygyny okyjy köpçüliginiň dykgatyna ýetirýär.
