Türk metbugatynyň gysgaça mazmuny

“Hürriýet” gazeti “Terrorçylar has agyr ýitgiler çekerler” söz başyly habarynda, Prezident R.T.Erdoganyň Stambulda ýörite polis güýçlerine guralan hyýanatçylykly terror hüjüminde ýaralanan we Haseki talim we ylmy-barlag hassahasynda bejergi alýan polis gullukçylaryny baryp görendigini ýazýar. Habarda Prezident Erdoganyn ýaralylaryň ýagdaýynyň gowudygyny, hüjümde 39 şehidiň we 155 ýaralynyň bardygyny ýatladan Prezident R.T.Erdoganyň Türkiýäniň terrorçylyga garşy göreşi sonuna çenli dowam etdirjekdigini nygtap: “Bular hasapsyz galmaz, has agyr ýitgiler çekerler” diýen sözlerine üns çekilýär.

“Haber Türk” gazeti “Üç partiýadan terrora garşy bilelikdäki jarnama” söz başyly habarynda, Türkiýäniň Mejlisiniň Baş Assambleýasynda Adalat we ösüş, Respublikan halk we Milletçi hereket partiýalarynyň toparlarynyň Stambulda guralan terror hüjümine garşy bilelikde jarnama çap edendigini ýazýar. Gazet Adalat we ösüş partiýasynyň Mejlis toparynyň başlygy Mustafa Elitaşyň, Respublikan halk partiýasynyň Mejlis toparynyň başlygy Engin Ataýyň we Milletçi hereket partiýasynyň Mejlis toparynyň başlygy Erkan Akçaýyň goly bilen çap edilen we Mejlisde okalan jarnamada: “Bu eziz türk milletiniň agzybirligine, jebisligine, geljegine guralan hyýanatçylykly terror hüjümidir. Haýsy terror guramasy bolsa bolsun, bu hüjümi guranlar şuny bilip goýsunlar: eziz milletimiziň jebisligi we agzybirligi bozulmaz, tersine hasam güýçlener. Şu jarnama gol goýan partiýalaryň toparlary; döwletimiziň geljegi we ýüreginden çykan milletimiziň asudaly üçin terrorçylyga garşy göreşde howpsyzlyk güýçlerimizi soňuna çenli goldaýarys” diýilýändigini okyjy kpçüliginiň dykgatyna ýetirýär.

“Watan” gazeti “Polisimizi goldaýarys” söz başyly habarynda, dönük terror guramasy PKK-nyň Türkiýäni bölmek üçin ýaran bombalarynyň, dökýän ganynyň halky birleşdirendigini, Stambulda ýörite polis güýçlerine guralan hyýanatçylykly terror hüjümlerinden soň sosial mediada polise goldaw kampaniýasynyň başladylandygy, /Men polisimiň ýanynda/ haştagi bilen halkyň polise goldaw bermäge çagyrylandygyny okyjy köpçüliginiň dykgatyna ýetirýär.

“Ýeni Şafak” gazeti “Türkiýe terrora garşy ýek-ýumruk” söz başyly habarynda, Stambulda 39 adamyň şehit bolan we 155 adamyň ýaralanan terror hüjümine garşy ýurduň ýek-ýumruga öwrülendigini, syýasat, media, işewürler, jemgyýetçilik guramalary, sport we sungat dünýäsinden arkalaşyk çagyryşlarynyň berilendigini, terrora garşy gahar-gazap bilen garşy durulandygyny, dünýäden wyždanly töwerekleriň Türkiýä goldaw ýüzlenmeleriniň gelip gowşandygyny ýazýar.