Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Hürriýet” gazeti Prezident R. T. Erdoganyň Prezidentiň kompleksinde geçirlen 30-njy Arçynlar maslahatynda sözlän sözlerine ýer berýär.
Gazet Prezident Erdoganyň “Ýefrat galkany operasiýasy haýsydyr bir ýurda ýada adama garşy däl eýsem terror guramalaryna garşy guralýar”diýendigini ýazýar.
Gazet Türkiýäniň guraýan operasiýalarynyň Yragyň we Siriýanyň territorial bitewiligini bozmagy däl eýsem tersine serhetlerini terrorçylardan saplamagy maksat edinýändigini aýdan Prezident Erdogan “Edil ýanymyzda DAIŞ, PÝD, ÝPG ýaly terror guramalarynyň ornaşmagyna asla rugsat bermeris” diýendigini ýatladýar.
Gazet Prezident Erdoganyň Türkiýäniň guraýan operasiýalary meselesinde egilşik etmejekdikleri hakyndaky sözlerini okyjy köpçüliginiň dykgatyna ýetirýär.
Gazet çykyşynda Türkiýäniň Ýewropaly ýurtdyna ünsi çeken Erdoganyň “Biz Ýewropanyň myhmany däl eýsem ýer eýeleridiris” diýendigine ünsi çekýär.
“Haber Türk” gazeti “Rus ilçi: Türkiýäni Şanhaýda görmek isleýäris” diýdi söz başyly habarynda Russiýanyň Türkiýedäki Adatdan daşary we Doly ygtyýarly ilçisi Andreý Karlowyň NTW telewideniýe kanalyna beren beýanatynda hem Hytaýyň hem-de Gazagystanyň Türkiýäni Şanhaý Hyzmatdaşlyk guramasyna görmek isleýändigini nygtap, “Mesele dolulygyna Ankaranyň kararyna bagly”diýendigini ýazýar.
Gazet rus ilçisi Andreý Karlowyň “ŞHG-na agzalyk etabynda Türkiýeden ÝB bilen edýän gatnaşyklaryny saklamagyny talap etmeris” diýen sözlerine ýer berýär.
“Star” gazeti Energetika we tebigy serişdeler ministri Berat Albaýragyň Rize şäherinde Eneržisanyň maglumat bermeziniň açylyş dabarasynda sözlän sözünde “energetika pudagynda sapr edijileriň islegleriniň kanagatlandyrylmagyna uly ähmiýet berýäris” diýendigini nygtaýar.
“Watan” gazeti “Türkiýe mobil töleg boýunça dünýä dördünjisi” söz başyly habarynda Türkiýäniň soňky 1 ýylda internet arkaly söwda etmekde mobil töleg boýunça paýyny 38 göterime çykarandygyny ýazýar.
Gazet Türkiýäniň mobil töleg boýunça Ýaponiýadan, Britaniýadan we Günorta Koreýadan soň dünýäde 4-nji orny eýeländigini nygtaýar.
“Sabah” gazeti Türkiýede ilkinji gezek 10 aýlyk bäbejigiň ýüreginiň çalşylandygyny okyjy köpçüliginiň dykgatyna ýetirýär.
Gazet 10 aýlyk Beýtullah bäbejigiň Ankarada 23-nji noýabrda operasiýa edilendigini we ýüreginiň çalşylandygyny ýatladýar.
