Türk metbugatynyň gysgaça mazmuny 02.12.2014

“Star” gazeti “Gazporomdan Türkiýä täze turba geçirijisi” söz başyly habarynda, rus energiýa firmasy Gazpromyň başlygy Alakseý Milleriň Türkiýede 63 milliard kub metr gaz akdyrma güýjüne eýe boljak täze turba geçirijisiniň guruljakdygyny aýdandygyny ýazýar. Gazet täze tebigy gaz turba geçirijisiniň 14 milliard kub metriniň Ukrainadan üstaşyr gelýän gazyň öwezini aljakdygyny aýdan Milleriň, şol geçirijinin Gresiýanyň serhedinde guruljak gaz paýlaýyş merkezine 50 milliard kub metr tebigy gaz akdyrylmagyna mümkinçilik döretjekdigine ünsi çekendigini okyjy köpçüliginiň dykgatyna ýetirýär. Habarda Russiýanyň Prezidenti Wladimir Putiniň Prezident Erdogan bilen geçiren bilelikdäki metbugat ýygnagynda Geresiýa serhedinde energiýa merkezini gurmak üçin Türkiýe bilen alynky ylalaşyga gol çekişendiklerini aýdandygy ýatladylýar.
“Akşam” gazeti “Pentagon “Wol Strit Jornalyň” habarynyň nädogrudygyny beýan etdi” söz başyly habarynda, “Wol Strit Jornal” gazetiniň Türkiýe bilen ABŞ-nyň Siriýanyň demirgazygynda howpsyz zolaklaryň döredilmegi barasynda gepleşikler geçirilýändigi barasyndaky habarynyň hakykaty beýan etmeýändigiň nygtalandygyna ünsleri çekýär. Gazet Pentagonyň metbugat geňeşçisi kapitan Stiw Warriniň “Türkler bilen gepleşikler geçirýäris. Häzirki wagtda howpsyz zolagyň demirgazyk Siriýadaky gumanitar pajygany ýeňilleşdirjekdigini pikir etmeýäris” diýen sözlerini çap edýär. Habarda daşary işler ministrliginiň metbugat geňeşçisi Jon Pisakiniň hem howpsyzlyk zolak barasynda Türkiýe bilen gepleşiklerimiz dowam edýändigini, emma henize karara gelmändiklerini aýdandygy mälim edilýär.
“Hürriýet” gazeti “Türk kazysy Ýewropanyň Adam Hukuklary Kazyýetinde abraýly wezipä saýlandy” söz başyly habarynda, Ýewropanyň Adam Hukuklary Kazyýetin kazysy Yşyl Karakaşyň kazyýetiň bäş bölüminden biriniň başlyklygyna saýlanandygyny okyjy köpçüliginiň dykgatyna ýetirýär. Gazet nundan ozal bölümiň başlygynyň orunbasary bolup işlän Karakaşyň üç ýyl möhlet bilen saýlanan wezipesine 1-nji ýanwarda başlajakdygyny ýazýar.
“Ýeni Şafak” gazeti” “Moldowa maglumatlar tehnologiýalary goldawy” söz başyly habarynda, Türk iş hyzmatdaşlygy we utgaşyklyk gullugy TİKA-nyň Moldowanyň paýtagty Kişinewdiň Haşdeu adyndaky kitaphanada maglumatlar merkezini açandygyny mälim edýär. Gazet TİKA-dan berilen beýanatda bilim we medeniýet ugurlarynda durmuşa geçirilýän taslamalaryň çäginde açylan maglumatlar merkeziniň hem alymlaryň hem-de halkyň hyzmatyna açyk boljakdygyny nygtaýar.
“Sabah” gazeti “Golliwud usulyndaky gyzyl haly dabarasy” söz başyly habarynda, Russel Krowyň, Jem Ýylmazyň we Ýylmaz Erdoganyň oýnan “Suwuň gözleginde” atly filmiň 5-nji fewralynda Türkiýedäki premýerasy üçin uly taýarlygyň görülýändigine ünsleri çekýär. Gazet Dardanel uruşlarynyň 100-nji ýylynda görkeziljek film üçin Ruswell Krowyň Türkiýä uly ýeňillikler döredendigini, filmiň Türkiýedäki tanyşdyrlyşynda türk aktýorlarynyň öňe saýlanandygy mälim edilýär.