Türk metbugatynyň gysgaça mazmuny 30.08.2014
Gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
30-njy awgust Mustafa Kemal Atatürküň serkerdebaşylyk etmeginde gazanylan Ýeňiş baýramynyň 92 ýyllygyna bagyşlanan çäreler hakyndaky habarlar gazetlerde giňişleýin ýer alýar.
“Hürriýet” gazeti “Prezident Erdogandan ilkinji baýramçylyk gutlagy” söz başyly habarynda Prezident R. T. Erdoganyň 30-njy awgust ýeňiş baýramy mynasibetli çap eden gutlag ýüzlenmesinde “Şanly taryhymyzdaky öwrülşik nokatlary, millet hökmünde nireden gelip nirä tarap barýandygymyzy bize açyk aýdyň ýatladýar” diýendigini ýazýar.
“Star” gazeti “Täze hökümet guruldy” söz başyly habarynda Premýer ministriň wekili we Adalat we ösüş partiýasynyň başlygy Ahmet Dawutoglynyň Ministrler kabinetiniň täze sanawyny Prezident R. T. Erdogana hödürländigini habar berýär.
Gazet Ministrler kabinetiniň täze sanawynyň Prezident Erdogan tarapyndan tassyklanandygyny we Dawutoglynyň ýerine Daşary işler ministri hökmünde Mewlüt Çawuşoglynyň bellenendigini nygtaýar.
Gazet täze hökümetiň iş meýilnamasyny nobatdan daşary ýagdaýda jemlenişjek Mejlisiň Baş Assambleýasynda 1-nji sentýabrda okajakdygyny ýatladýar.
“Milliýet” gazeti “Fyndugyň bahasy ýokarlady” söz başyly habarynda Oba hojalyk palatalarynyň başlygy Ugur Jörtiň doňçylyk sebäpli Merkezi Garadeňiz sebitinde şu ýyl funduk önümçiliginiň aşaklandygy hakyndaky sözlerine ýer berýär.
Gazet önümçiligiň aşaklandygy sebäpli hem fundugyň bahasynyň ýokarlandygyny ýatladýar.
“Radikal” gazetiniň internet saýtynda berlen “Dünýäniň iň uly fosili Türkiýede tapyldy” söz başyly habarda Çorum welaýatynyň Sungurlu etrabynda dünýäniň iň uly süýdemdirijisi bolan hokoporyň galyndysynyň tapylandygyny ýazýar.
Gazet ilkinji gezek tapylan şeýle uly göwrümli galyndynyň Ankaranyň tebigat taryhy muzeýinde sergilenjekdigini nygtaýar.
Gazet muzeýiň müdüriň orunbasary Ýusuf Ziýa Joşaryň “Galyndy bilim dünýäsinde uly tolgunşyk emele getirdi” diýen sözlerini okyjylarynyň dykgatyna ýetirýär.
Gazet geçirlen barlaglarda galyndynyň guýrugy bilen birlikde 10 metr uzunlygynda we 15 tonna agyrlygyndadygynyň anyklanandygyny belleýär.
