Türk metbugatynyň gysgaça mazmuny 25.07.2014

“Watan” gazeti “Mekdepde gyrgynçylyk” söz başyly habarynda Ysraýylyň düýn BMG-nyň bombalanmazlygy üçin Ysraýyla koordinatlaryny beren we sygynma merkezine öwrülen mekdebi bombalandygyny ýazýar. Gazet hüjümler sebäpli çagalaryň ýitgi çekendigini mälim edýär.
“Sabah” gazeti “Palestinaly 72 müň çaga trawma boldy” söz başyly habarynda Ysraýylyň hüjümlerinde ýaralananlaryň 2/3 böleginiň çagalardygyna ünsi çeken Halkara çaga hukuklary guramasynyň beren beýannamasynda “Müňlerçe çaga psihiki goldawa mätäçlik duýýar” diýilýändigine ünsleri çekýär.
“Ýeni Şafak” gazeti “Ysraýyl hökmany suratda sud ediler” söz başyly habarynda Mersin welaýatynda geçirilen mitingde çykyş eden Premýer ministr Erdoganyň Ysraýylyň şu syýasatyny dowam etdiren halatynda hökmany suratda halkara kazyýetlerinde sud ediljekdigini aýdandygyny okyjy köpçüliginiň dykgatyna ýetirýär. Gazet Erdoganyň “Bu ugurda Türkiýe elinden geleni eder” diýen sözlerini çap edýär.
“Akşam” gazeti “Birža Stambul 14 aýyň iň ýokary çäginde” söz başyly habarynda Birža Stambulyň düýn 1,17 göterimlik ýokarlama bilen soňky 14 aýyň iň ýokary çägine ýetendigini ýazýar. Gazet indeksiň güni 970,03 bal ýokarlap, 83,824 bal bilen tamamlandygyny mälim edýär.
“Star” gazeti “Üç bankyň sap girdejisi 6 aýda 3,7 milliard” söz başyly habarynda türk banklarynyň ýylyn birinji ýarymyna degişli maliýe görkezijilerini yglan etmäge başlandyklaryny nygtaýar. Gazet häzirki wagta çenli altyk aýlyk maliýe görkezijilerini yglan eden üç bankyň üçüsiniňem girdeji gazanandygyny we olaryn jemi girdejisiniň 3,7 milliard lira barabardygyny okyjy köpçüliginiň dykgatyna ýetirýär.
“Sabah” gazeti “Syýahatçylaryň sany günsaýyn artýar” söz başyly habarynda iýun aýynda Türkiýä gelen syýahatçylaryň sanynyň geçen ýylyň şol döwri bilen deňeşdirilende 6,41 göterim ýokarlap 4 million 335 müň 75 adama ýetendigini ýazýar. Gazet ýylyň birinji ýarymynda Türkiýä glen syýahatçylaryň sanynyň bolsa 4,73 göterim ýokarlap, 15 million 238 müň 221 adama ýetendigini mälim edýär.