ÝB-niň Orta Aziýa boýunça ýörite wekili Burian Özbegistanda saparda boldy
Peter Burian geçen hepde hem Täjigistanda saparda boldypdy
ÝB-niň Orta Aziýa boýunça ýörite wekili Peter Burian Özbegistana guraýan resmi saparynyň çäginde Daşary işler ministri Abdulaziz Kamilow bilen duşuşdy.
Duşuşykda ÝB bilen Özbegistanyň arasyndaky iki taraply gatnaşyklar, ÝB-niň Orta Aziýa ýurtlary baradaky täze iş meýilnamasy meselesi ara alnyp maslahatlaşyldy.
Duşuşykda şeýle hem Özbegistan bilen ÝB-niň arasynda dörediljek täze komitetler meselesi seljerildi.
Özbegistanyň Daşary işler ministri Kamilow ÝB-niň Orta Aziýa boýunça ýörite wekili Peter Buriany maý aýynda paýtagt Daşkentde geçiriljek halkara konferensiýa çagyrdy.
ÝB-niň Orta Aziýa boýunça ýörite wekili Peter Burianyň ýolbaşçylyk etmegindäki resmi wekiliýet geçen hepde hem Täjigistanda saparda boldypdy we Täjigistanyň Premýer ministri Kahir Rasulzade bilen Daşary işler ministriniň 1-nji orunbasary Nizamiddin Zahidi bilen duşuşypdy.
Degişli Habarlar
Azerbaýjanyň Daşary Işler Ministri Baýramow, Serdar Kylyjy Kabul Etdi
Kabul edilşige Türkiýäniň Azerbaýjandaky ilçisi Jahit Bagjy hem gatnaşdy.
