Türkmenistanyň garaşsyzlygy we bitaraplygy Ankarada bellenildi
Türkmenistanyň mukaddes garaşsyzlygynyň 24 ýyllygy we şanly bitaraplygynyň 20 ýyllygy Ankarada bellenilip geçildi
Türkiýe Respublikasynyň paýtagty Ankara şäherinde doganlyk ýurt Türkmenistanyň garaşsyzlygynyň 24 ýyllygyna we şanly bitaraplygynyň 20 ýyllygyna bagyşlanyp Türkmenistanyň Türkiýedäki ilçihanasy tarapyndan baýramçylyk dabarasy geçirildi.
Baýramçylyk dabarasyna Türkiýäniň Energetika we tebigy serişdeler ministri Taner Ýyldyz, Galkynyş ministri Jüneýit Düzýol, Türkmen-Türk işewür geňeşiniň başlygy Sefa Gömdeniz, halk deputatlary, daşary ýurtlaryň wekilleri , Türkiýede ýokary bilim alýan türkmen talyplary gatnaşdylar.
Dabaranyň açylyş dabarasynda çykyş eden Türkmenistanyň Türkiýedäki Adatdan daşary we doly ygtyýarly baş ilçisi Ata Serdarow “Türkmenistanyň garaşsyzlygyny ilkinjileriň hatarynda ykrar eden we Türkmenistanda ilçihanasyny açan ilkinji döwletlerden biriniň Türkiýe Respublikasydygyny ýatlatmak isleýärin. Şu günki günde Hormatly Prezidentimiz Gurbanguly Berdimuhamedowyň we Türkiýe Respublikasynyň Prezidenti R. T. Erdoganyň edýän tagallasynyň netijesinde iki doganlyk ýurduň arasyndaky gatnaşyklar has-da pugtalanýar” diýdi.
Türkiýäniň Energetika we tebigy serişdeler ministri Taner Ýyldyz bilen Galkynyş ministri Jüneýit Düzýol hem çykyşlarynda türkmen-türk gatnaşyklarynyň ykdysadyýet, energetika, medeniýet we dokma senagaty ýaly birnäçe ugurda pajarlap ösýändigini nygtadylar.
Çykyşlarda iki doganlyk ýurduň arasyndaky gatnaşyklarda 24 ýylyň dowamynda uly öňe gidişligiň edilendigine üns çekildi.
Degişli Habarlar
Ministr Ýaşar Güler Azerbaýjanda saparda bolýar
Milli Goranmak ministri Ýaşar Güler Azerbaýjanda saparda bolýar
