UEFA Ýewropa Ligasynyň Çempiony Atalanta topary boldy
UEFA Ýewropa Ligasynyň finalynda Germaniýanyň Baýer Lewerkuzen toparyny 3-0 hasabynda ýeňen Italiýanyň Atalanta topary taryhynda ilkinji gezek Ýewropa kubogyny gazandy
Dublin Arena stadionynda geçirilen final tutluşygynda Atalanta 12, 26 we 75-nji minutlarda nigeriýaly Ademola Lookman tarapyndan atylan pökgiler bilen 3-0 hasabynda ýeňiş gazandy.
Bundesliganyň şu futbol möwsüminde ýeňilmän çempion bolan, ähli tutluşyklarda 51 oýun bäri hiç kime utulmadyk Germaniýanyň Baýer Lewerkuzen toparyny 3-0 hasabynda ýeňen Atalanta, taryhynda ilkinji gezek oýnan Ýewropa kubogynyň finalynda çempionlyga ýetdi.
Geçiren 3 pökgüsi bilen kuboga eýe bolan Atalantanyň 26 ýaşyndaky nigeriýaly ýyldyz Ademola Lookman UEFA taryhyna adyny ýazdyrdy.
Ademola Lookman UEFA-nyň final duşuşygynda het-trik eden ilkinji afrikaly futbolçy boldy.
Nigeriýaly ýyldyz Ademola Lookman mundan başgada UEFA Ýewropa ligasynyň taryhynda 3 göl geçiren ilkinji futbolçy boldy.
Degişli Habarlar
![Türkiýe Pariž Olimpiadalaryna 102 Türgen Bilen Gatnaşar](http://cdn.trt.net.tr/images/medium/rectangle/2a3b/c377/4a5d/66991782c97ec.jpg?time=1722043499)
Türkiýe Pariž Olimpiadalaryna 102 Türgen Bilen Gatnaşar
Türkiýe, 2024 Olimpiada oýunlarynda 18 ugur boýunça 102 türgen bilen bäsleşer.