IV Çarwa Oýunlary Tamamlandy
“Iznikde 102 ýurtdan 3 münden gowrak türgen, sporduň 40 görnüşi boýunça dürli bäsleşikler geçirdi, öz medeniýetlerini tanyşdyrdy”
IV Çarwa oýunlary Iznikde geçirildi.
Çarwa oýunlarynyň ýapylyş dabarasynda çykyş eden Ýaşlar we sport ministri Mehmet Muharrem Kasapoglu, oýunlaryň Türk dünýäsiniň arasyndaky baglary güýçlendirendigine ünsi çekdi.
4 günüň dowamynda çagalaryň, ýaşlaryň we raýatlaryň öz medeniýetini tanandygyny nygtan Ministr Kasapoglu, çarwa oýunlarynyň dünýäniň çar tarapyndan gelenleri duşuşdyrandygyny ýatlatdy.
Ýaşlar we sport ministri Mehmet Muharrem Kasapoglu Iznik kölünden alynan suwy, 2024-nji ýylda çarwa oýunlaryna ýer eýeçiligini etjek Gazagustanyň Medeniýet we sport ministri Dauren Abaýewe gowşurdy.
Bütindünýa Etnospor konfederassiýasynyň başlygy Bilal Erdogan bolsa çarwa oýunlaryna gatnaşanlara minnetdarlyk bildirdi.
Bilal Erdogan, “Iznikde 102 ýurtdan 3 münden gowrak türgen, sporduň 40 görnüşi boýunça dürli bäsleşikler geçirdi, öz medeniýetlerini tanyşdyrdy” diýdi.
Degişli Habarlar
Kruiz Gämileri Marmarise Gelmäge Dowam Edýär
Gäminiň esasy bölegi britaniýaly 1800 ýolagçysy bilen 1100 ekipažy bar.
“Star Legend” Kruiz Gämisi Bodruma Geldi
Gäminiň esasy bölegi amerikaly 283 ýolagçysy bilen 194 ekipažy bar.
