Türk Kinosynyň Çynary Fatma Girik Aradan Çykdy

Ýeşilçamyň sungat ussatlaryndan Fatma Girik, Stambulda bejergi alýan hassahanasynda aradan çykdy.

Birnäçe wagtdan bäri ýarawsyzlygy sebäpli bejergi alýan tanymal aktrisa Fatma Girik 79 ýaşynda aradan çykardy.

Hassahanadan berlen beýannamada, “Türk kinosynyň çynary we tanymal sungat ussady Fatma Girik aradan çykdy” diýildi.

Stambulyň Şişli etrabynyň häkimi Muammer Keskin hem sosial mediadan beren habarnamasynda “Ýeşilçamyň tanymal sungat ussady we Şişli etrabynyň ozalky häkimi Fatma Girigiň aradan çykmagyna uly gynanç bildirýärin” diýdi.

Stambulda 1942-nji ýylyň 12-nji dekabrynda doglan sungat ussady, 1957-nji ýylda surata düşürlen “Tegmil” filmi bilen ýakyndan tanalmaga başlanýar.

Fatma Girik 180-e golaý filmde oýnaýar.