TRT bilen Daşary işler ministrliginiň bilelikdäki taslamasy
Ýurt hesretini 1937-nji ýyldan bäri Türkiýäniň sesi radiosy arkaly gidirýän ýat ýurtlardaki türkleriň indi “Memleketim FM-i” bar
Daşary ýurt ýaýlymlary departamentine degişli radiomyz “Awrupa FM”, mundan beýläk “Memleketim FM” ady bilen www.memleketim.gow.tr salgysyndan ýaýlym berer.
Jogapkärçilikli ýaýlym bermegiň öňbaşçylaryndan biri bolan TRT-niň Daşary işler ministrligi bilen bilelikde taýarlanan taslama laýyklykda esasan aýdym-saz we habar ýaýlymyny berjek “Memleketim FM” 24 sagadyň dowamynda iş alyp barar. Radio häzirlikçe internet portaly arkaly diňlenip bilner.
“Memleketim FM” radio stansiýasynyň teswirnamasyna TRT-niň Baş müdiri Şenol Göka we Daşary işler ministriniň orunbasary Naji Koru gol goýdy.
TRT-niň Baş müdiri Şenol Göka taslamanyň gol çekişlik dabarasynda sözlän sözünde: “Radio ýaýlymlary iňňän möhüm. Esasanda sebitdäki ýaşlaryň türk dilini giňden özleşdirmekleri taýdan “Memleketim FM-iň” uly goşant goşjakdygyny tolgunmak bilen nygtamak isleýärin” diýdi.
Teswirnamanyň gol çekişlik dabarasyna TRT-niň Daşary ýurt ýaýlymlary departamentiniň başlygy Süleýman Erdal, TRT-niň Daşary gatnaşyklar departamentiniň başlygy Çaglan Tankur we Daşary işler ministrliginiň Maglumatlar tehnologiýalary departamentiniň başlygy Haldun Koç hem gatnaşdy.
