Günbatar Ýurtlarynyň Uly Göwrümli Çaknyşyk Başlatma Ähtimallygy Bar
Russiýanyň Daşarky howpsuzlyk gullugynyň (SWR) Direktory Sergeý Naryşkin günbatar ýurtlarynyň uly göwrümli harby çaknyşyk başlatma ähtimallygyny ünsden düşürmeýandiklerini aýtdy.
Prezident Wladimir Putin tarapyndan wezipesine gaýtadan hödürlenen Sergeý Naryşkin Federasiýa geňeşinde dalaşgärligi boýunça geçirilen maslahatda senatorlara ýüzlenip çykyş etdi.
Käbir günbatarly syýasatçylaryň hökmürowanlygyny dowam etdirmek üçin uly görwrümli harby çaknyşyk başlatmagy mümkin görýandigi hakynda maglumatlarynyň bardygyny gürrüň beren Naryşkin, emma günbatarda onuň öňüni alyp biljek jogapkärçilikli syýasatçylaryň hem bardygyny beýan etdi.
Naryşkin günbatar blogunyň uly göwrümli çaknyşygyň özleri üçin peýdaly “ göwnewaý derejede howpsuz” bolandygyny pikir eden halatynda, onuň bolup biljekdigine ynanmak üçin “düýpli esaslarynyň” bardygyny nygtady.
Beýleki tarapdan uly göwrümli çaknyşyk ähtimallygyny ortadan aýyryp biljek güýje eýe, jogapkärçilikli, hem global hem-de sebitleýin liderleriň bardygyny nygtan Naryşkin, SWR-niň hyzmatdaş gulluklar bilen dünýädäki wakalary ýakyndan seljerýändigini nygtady.
Degişli Habarlar
Ysraýyl, Gaza Sektoryny Ýykyp Ýumurýar
Ysraýylyň hüjümleri sebäpli Gaza Sektorynda häzire çenli 33 milliard dollarlyk ýitgi çekildi.
BMG, Palestin Döwletiniň Ykrar Edilmegi Üçin Çagyryş Etdi
BMG-nyň habarnamaçylary dünýä ýurtlaryna Palestin döwletiniň ykrar edilmegi üçin çagyryş etdi.