Zelenskiý Amerikan Goldawy Hakynda Beýannama Berdi
Ukrainanyň Prezidenti Wladimir Zelenskiý ABŞ-nyň Wekiller Palatasynyň 61 milliard dollarlyk kömegi tassyklamagynyň ukrain halkynyň goralmagy bilen baglydygyny beýan etdi.
Zelenskiý X hasabyndan paýlaşan wiziual ýüzlenmesinde ABŞ-nyň Wekiller Palatasynyň ýurduna 61 milliard dollarlyk kömegiň tassyklanmagy hakynda garaýyşlaryny beýan etdi.
Şol kararyň kabul edilmegine uzak wagtdan bäri garaşandyklaryna ünsi çeken Zelenskiý, bu kömegiň peýdasyny alynky frontda söweşýän ukrain esgerleriniň hem-de ilatly ýerleriň duýjakdygyny aýtdy.
Zelenskiý; “Kömek bukjasyna goldaw berenleriň ählisine sagbolsun aýdýaryn. Ol, adamlaryň janlarynyň goralmagy bilen bagly çözgütdir” diýdi.
Wekiller Palatasynyň kabul eden taslamasynyň golaýda Amerikan Senatynda tassyklanyp, ABŞ-nyň Prezidenti Jo Baýdenyň garamagyna hödürlenmegine garaşýandyklaryny nygtan Zelenskiý; “Russiýanyň haraba öwürmäge synanşýan ýurdumyza, garaşsyzlygymyza, halkyna we ýaşlaýyşyna berilýän goldawlaryň ählisine kanagatlanma bildirýäris” diýdi.
Zelenskiý ABŞ-dan alynan kömekden söweşde Russiýany ýeňmek üçin peýdalanjakdyklaryny beýan etdi.
Degişli Habarlar
Marokkoda aşa yssy howa sebäpli 21 adam ýogaldy
Marokkoda aşa yssy howa sebäpli ýaşuly we kesellän adamlardan ybarat jemi 21 adam ýogaldy
