Palestinada Çagalaryň Ölmeginiň Öňi Alynmaly
BMG-niň Çagalar Gaznasy Palestinada çagalaryň ölmeginiň öňüniň alynmalydygyny beýan etdi.
ÝUNİSEF-iň Ýakyn Gündogar we Demirgazyk Afrikadan jogapkär Direktory Adele Kodriň beren beýannamasyda ÝUNİSEF-iň X sosial media hasabynda neşir edildi.
Kodr Ysraýylyň soňky 72 sagatda Günbatar Şerianyň Tulkerim şäherinde 3, Gazanyň günortasyndaky Rafah şäherinde bolsa azyndan 14 çagany öldürendigini beýan etdi.
Palestinadaky çagalaryň uzak wagtdan bäri tragiki we dar basyş öwrüminiň içinde gysylyp galandygyny beýan eden Kord, Palestinadaky çaga ölümleriniň we hüjümleriň bes edilmelidigini nygtady.
Ysraýylyň goşun radiosy 18-nji aprelde Günbatar Şerianyň demirgazgynda ýerleşýän Tulkerim şäherinde Nur Şems bosgun düşelgesine “giň gerimli harby operasiýa” başladandygyny habar beripdi.
Ysraýylyň esgerlerinin Nur Şems bosgun düşelgesine guran hüjümlerinde 14 palestinalynyň ýogalandygy beýan edilipdi.
Şaýatlar Ysraýylyň goşunynyň düýn agşam ara bosgun düşelgesine guran hüjüminiň bes edilendigini we sebitden çekilendigini mälim edipdi.
