Ysraýyldan Liwana Howa Hüjümi Guraldy
Hüjümde adam pidasynyň çekilip çekilmändigi barada hiç hili maglumat berilmedi.
Ysraýylyň harby uçarlarynyň, Liwanyň gündogarynda Siriýa serhediniň golaýyndaky Baalbek şäherine 2-nji gezek howa hüjümini gurandygy nygtaldy.
Liwanyň resmi habarlar gullugy NNA-da berlen habara görä, Ysraýylyň harby uçarlary Baalbek şäheriniň günortasynda ýerleşýän Ensar etrapçasyna howa hüjümini gurady.
Hüjümde adam pidasynyň çekilip çekilmändigi barada hiç hili maglumat berilmedi.
Ensar etrapçasy, Ysraýyl-Liwan serhedinden 100 kilometr alysda ýerleşýär.
NNA-da berlen başga bir habarda hem Ysraýylyň Liwanyň günortasynda ýerleşýän Nakura etrapçasynda bir öýe howa hüjümini gurandygy nygtaldy.
Ysraýylyň harby goşuny, 8-nji oktýardan bäri Hizbullah hereketi bilen dowam edýän çaknyşyklarynda Baalbek şäherine ilkinji howa hüjümini 26-njy fewralda gurapdy.
Çaknyşyklarda Hizbullaha agza 240, liwanly asuda ilatdan 49, Emel hereketine agza 11, Hamasa agza 12, Yslamy Jihada agza 12 we ysraýylly 6 adam bilen 11 esger ýogaldy.