Ysraýyl, Gazany Bombalamaga Dowam Edýär
7-nji oktýabrdan bäri Ysraýylyň hüjümlerinde öldürlen palestinalylaryň sany 20 müň 424-e ýetdi.
Ysraýylyň Magazi bosgun düşelgesine guran hüjüminde 70 adam ýogaldy.
Ysraýyl, Gaza Sektoryny bombalamaga dowam edýär.
Ysraýylyň harby goşuny, Gaza Sektorynyň merkezinde ýerleşýän Al Magazi bosgun düşelgesini bombalady.
Asuda ilatyň ýaşaýan ýerine howa hüjümini guran Ysraýylyň harby goşunynyň Al Magazi bosgun düşelgesine guran hüjüminde azyndan 70 palestinaly ýogaldy.
7-nji oktýabrdan bäri Ysraýylyň hüjümlerinde öldürlen palestinalylaryň sany 20 müň 424-e ýetdi.
Gazadaky Saglygy goraýyş ministrligi, Al Magazi bosgun düşelgesine guralan hüjümi gyrgynçylyk hökmünde häsiýetlendirdi.
Ysraýyl, howpsuz zolak boljakdygy öňe sürülýän Han Ýunusa guraýan hüjümlerini hem dowam etdirýär.
Soňky howa hüjümlerinde bombalanan binalar harabalyga öwrüldi.
Ysraýylyň hüjümlerinde öldürlen BMG-nyň işgärleriniň sany bolsa 142-ä ýetdi.
Gaza Sektorynda ölen ysraýylly esgerleriň sany hem artýar.
Hamasyň Kassam atly ýaragly topary soňky 4 günde ysraýylly 48 esgeriň öldürlendigini habar berdi.
Hamas tarapyndan berlen beýannamada, Ysraýylly onlarça esgerleriň hem ýaralanandygy, Ysraýylyň harby goşunyna degişli 35 harby ulagyň hatardan çykarlandygy nygtaldy.
