Mikotakis Bilen Sisi, Ysraýyl-Palestina Çaknyşygy Hakynda Pikir Alyşdy
Kirýakos Mikotakis, Abdulfettah as Sisi bilen telefon arkaly söhbetdeşlik geçirdi.
Gresiýanyň Premýer-ministri Kirýakos Mikotakis, Müsüriň Prezidenti Abdulfettah as Sisi bilen telefon arkaly söhbetdeşlik geçirdi.
Gresiýa tarapyndan berlen beýannama görä, Mikotakis bilen Sisi telefon söhbetdeşliginde Ysraýyl-Palestina çaknyşygy we Gazada başdan geçirilýän soňky wakalar hakynda pikir alyşdy.
Mikotakis, adamzat pajygasynyň öňüniň alynmalydygyny nygtady.
Gaza ynsanperwer kömeginiň ýetirilmegi boýunça ylalaşyk gazanan iki lider, dartgynlygyň tutuş sebitde ýaýbaňlanmagyna alada bildirdi.
Hamasyň harby topary Kassam, şenbe güni ysraýyla garşy “Aksa tupany” ady bilen giň gerimli hüjüm başladypdy.
Gazadan Ysraýyla müňlerçe raketa atyldy we ýaragly toparlar hem ilatly ýerlere girdi.
Ysraýylyň harby goşuny hem harby uçarlar bilen Gaza sektoryna garşy “Demir Gylyçlar” operasiýasyny başladandygyny mälim edipdi.
Dartgynlyk sebäpli iki tarapda hem ýüzlerçe adam ýogaldy.
Degişli Habarlar
Fransiýada Ýoksullaryň Sany Artýar
18-29 ýaş toparyndaky ýaşlaryň 11,4 göterimi ýoksullyk çäginiň aşagynda ýaşaýar.
Ýewropada Howpsyzlyk we Hyzmatdaşlyk Guramasyna Agza Ýurtlar Maltada Duşuşar
Ministrler geňeşiniň maslahatyna Türkiýeden Daşary işler ministri Hakan Fidan gatnaşar.
