Hindistanda Sil Apaty Sebäpli 30 Adam Ýitdi

Hindistanyň Sikkim sebitinde sil apaty sebäpli ilkinji kesgitlemelere görä, 23-i esger 30 adam ýitdi.

Hindistanyň Taýmes gazetiniň berýän habaryna görä, Sikkim sebitinde sil apaty gündelik durmuşa ýaramaz täsirini ýetirýär.

Habarda sil apatynda asuda ilatdan 7 adamyň ýitendigi nygtaldy.

Hindistanyň harby goşunyndan berlen beýannamada hem sebitde gözleg we halas ediş işlerine gatnaşýan 23 esgeriň silde ýitendigi bellenildi.

Beýleki tarapdan Bangladeşde hem käbir sebitlerde sil apaty sebäpli duýduryş berildi.