Rus Žurnalist Erdogan Hakynda Dokumantal Film Taýarlady
Gusmanyň, taýarlanan dokumental filmi, Türkiýäniň Moskwadaky ilçihanasynda tanyşdyryldy.
Rus žurnalist we TASS habarlar gullugynyň baş müdüriniň orunbasary Mihail Gusman, Prezident R. T. Erdogan hakynda dokumental film taýarlady.
Gusmanyň, TASS we Rossiýa-24 teleýaýlymy bilen birlikde taýarlanan dokumental filmi, Türkiýäniň Moskwadaky ilçihanasynda tanyşdyryldy.
Dokumental filmiň tanyşdyrlyş çäresine Russiýanyň Daşary işler ministriniň orunbasary Aleksandr Gruşko, Türkiýäniň Moskwadaky Adatdan daşary we doly ygtyýarly ilçisi Mehmet Samsar, TASS-yň Baş müdüri Sergeý Mihaýlow we daşary ýurtly diplomatlar bilen žurnalistler gatnaşdy.
Ozal Prezident Erdogan bilen 4 gezek söhbetdeşlik geçiren rus žurnalist Gusman “Häkimiýetiň Formulasy” atly dokumantal filminde, Erdoganyň çagalyk ýyllary, syýasy durmuşy, gazanan üstünlikleri hakynda gürrüň berýär.
Dokumental filmde Prezident Erdoganyň ýaňy ýakynda Kommunikasiýalar edarasy tarapyndan rus diline terjime edilen “Has adalatly dünýäde ýaşamak mümkin” atly kitabynyň käbir bölümlerine ýer berilýär we Erdoganyň garaýyşlaryna üns çekilýär.
Žurnalist Gusman metbugata beren beýannamasynda “Prezident Erdogan tejribeli syýasatçy. Türkiýe şeýle liderleriniň bardygy üçin bagtly ýurt. Şu günki günde lider hökmünde Erdoganyň roly diňe Türkiýe üçin däl eýsem dünýä ýurtlary taýdan hem möhüm” diýdi.
Soňky 2 günde dokumental filmiň 2 gezek ýaýlyma berlendigini we dokumantal filme millionlarça adamyň tomaşa edendigini aýdan Gusman “Rus tomaşaçysyna Erdogany tanatmak diýseň möhüm. Gynansakda Türkiýede we Russiýada dünýä liderleri, hatda goňşy ýurtlaryň liderleri hem ýakyndan tanalmaýar. Türki biziň goňşymyz we uzak ýyllardan bäri ýakyndan hyzmatdaşlyk edýäris. Prezident Erdogan birnäçe ýyldan bäri häkimiýetiň başynda we ony tanyşdyrmak hem diýseň möhüm” diýdi.
Prezident Erdogan bilen 5-nji gezek söhbetdeşlik geçirmek isleýändigini aýdan Gusman, türk halkyna uly sarpa goýýandygyny belledi.
