Russiýanyň Ukrainadaky hüjümleri dowam edýär
Russiýanyň harby güýçleri tarapyndan Ukrainanyň paýtagty Kiýew şäherine raketalar we uçarmansyz howa ulaglary bilen hüjümler guraldy
Kiýew şäheriniň harby edarasyndan berilen ýazmaça beýanatda, Russiýanyň goşunynyň maý aýynda Kiýew şäherine eýýäm 8-nji gezek howa hüjümini gurandygy habar berildi.
Russiýanyň harby güýçleriniň şu gün irden Ukrainanyň paýtagty Kiýew şäherine raketalar we uçarmansyz howa ulaglary bilen hüjümler gurandygy bellenen beýanatda: "Kiýewiň howa giňişligindäki duşmana degişli nyşanalaryň aglabasy anyklanyp täsirsiz ýagdaýa getirildi. Raketalaryň sany we görnüşleri bilen baglanşykly maglumatlar ýurduň Harby-howa güýçleri tarapyndan mälim ediler" diýip aýan edildi.
Telegram hasabyndan beýannama beren Kiýew şäheriniň häkimi Witaliý Kliçko, Russiýanyň harby güýçleri tarapyndan şähere guralan hüjümleriň netijesinde partlamalaryň bolandygyny habar berdi.
Solomýansk, Şewçenkiwskiý, Darnytskiý we Obolonskiý etrapçalaryna raketalaryň we uçarmansyz howa ulaglarynyň bölekleriniň gaçandygyny aýdan Witaliý Kliçko, Solomýanskda 3 adamyň ýaralanandygyny, Darnytskiýde bolsa asuda ilata degişli 2 ulagyň ýanandygyny beýan etdi.
