NATO-nuň Bilelikdäki Güýçleriniň Serkerdesi Adana Geldi
NATO-nuň Napolidäki Bilelikdäki güýçleriniň Serkerdesi admiral Stýuart Mýunş Injirlik harby howa bazasyna geldi.
![NATO-nuň Bilelikdäki Güýçleriniň Serkerdesi Adana Geldi](http://cdn.trt.net.tr/images/xlarge/rectangle/bd54/5808/e989/63f86e5fdd058.jpg?time=1719226415)
NATO-nuň Napolidäki Bilelikdäki güýçleriniň Serkerdesi admiral Stýuart Mýunş Türkiýede ýer titremelerde zyýan çeken sebitlere baryp görmek we ynsanperwer kömek işleri bilen tanyşmak bolmak üçin Adana welaýatyndaky Injirlik harby howa bazasyna geldi.
Serdeligiň Twitterden beren beýannamasynda; “NATO-nuň we ABŞ-nyň toparlary bilen kömek işleri bilen tanyş bolmak üçin admiral Mýunşyň Injirlige sapary, NATO-nuň we ABŞ-nyň Türkiýä howa ýoly arkaly çadyr hem-de ynsanperwer kömek ýüklerini getirmek bilen başlady” diýilýär.
Beýannamada Mýunşyň ýerlerde görülýän taýýarlygy we NATO-nuň Türkiýä kömeginiň ilkinji tapgyryny ýerinde görmek üçin ýer titremelerde agyr weýrançylyga sezewar bolan Hataý welaýatynyň Iskenderun etrabyna barjakdygy habar berildi.
6-njy fewralda bolan we “asyryň betbagtçylygy” atlandyrylan ýer titremelerden soň 9 müňden gowrak halkara gözleg-halas ediş gullukçysy Türkiýä gelipdi.
Degişli Habarlar
![Husiler Iki Gämini Nyşana Aldy](http://cdn.trt.net.tr/images/medium/rectangle/7e5e/1d9e/2e21/6673d720c1c1d.jpg?time=1719226416)
Husiler Iki Gämini Nyşana Aldy
Husiler, Gyzyl deňizde we Hindi okeanynda iki gämini nyşana alandyklaryny mälim etdi.