Germaniýa Eýranyň iki raýatyny islenmeýän adam yglan etdi

Germaniýanyň Daşary işler ministri Annalena Berbok, Eýranda Germaniýanyň raýaty bolan eýranly Jemşid Şarmehd barada kabul edilen ölüm jezasy bilen bagly kararay tankyt edip: "Germaniýanyň hökümeti Eýranyň Berlin şäherindäki ilçihanasynyň 2 agzasyny islenmeýän adam hökmünde yglan etdi we özlerine Germaniýany terk etmekleri üçin gysga möhlet berdi" diýip habar berdi. 

Germaniýanyň Daşary işler ministri Annalena Berbok, Jemşid Şarmehde ölüm jezasynyň berilmegi bilen bagly karardan soň Eýranyň Berlin şäherindäki ilçihanasynyň geňeşçisiniň Daşary işler ministrligine çagyrylandygyny belläp: "Oňa bir nemes raýatynyň hukuklarynyň düzgüniniň agyr ýagdaýda bozulmagyny kabul etmeýändigimiz aýdyldy. Netijede Germaniýanyň hökümeti Germaniýanyň hökümeti Eýranyň Berlin şäherindäki ilçihanasynyň 2 agzasyny islenmeýän adam hökmünde yglan etdi we özlerine Germaniýany terk etmekleri üçin gysga möhlet berdi. Eýrana Jemşid Şarmehdä berilen ölüm jezasyny goý bolsun etmäge we hukugyň üstünligine laýyk ýagdaýda özüne adalatly şikaýat tapgyrynyň döredilmegi barada çagyryş berýäris" diýip mälim edildi. 

Eýran merkezi ABŞ-da ýerleşýän, ýurduň häkimiýetine garşy bolan bir guramanyň lideridigi öňe sürülen we ülkede terrorçylykly aksiýalar guramak bilen günäkärlenýän Jemşid Şermehdä ölüm jezasyny beripdi. 

Eýranyň Milli Howpsuzlyk ministrligi, Eýranyň we Germaniýanyň raýaty bolan we 2003-nji ýyldan bäri ABŞ-da ýaşan Jemşid Şarmehdini 2020-nji ýylyň iýul aýynda daşary ýurtda saklanyp, Eýrana getirilendigini habar beripdi. 

Maşgalasy Jemşid Şarmehdiniň BAE-de ýitendigini beýan edipdi.