Eýranda garly howa sebäpli käbir şäherlerde bilime arakesme berildi

Tähran şäherinde ýagmaga dowam edýän gar, şäheri ak reňke büredi. Ýollarda ulaglaryň sany artdy, ýollar taýgançak bolmagy sebäpli kämahallar ulag heläkçilik hadysalary başdan geçirildi. 

Şäheriň esasan hem beýiklik ýerlerinde ýaşaýan ulagyň sürüjileri kyn pursatlary başlaryndan geçirýärler, ulaglaryň nobaty artýar. Käbir sürüjileriň ýolda ulaglarynyň tekerlerine zynjyr dakmaga synanyşýandygy görüldi. 

Häkimlige degişli toparlar ýollary duzlap, buzlanmaga we ulaglaryň taýmagyna garşy çäreler görýär. 

Eýranyň Meteorologiýa edarasy ýaramaz howanyň ýurduň ençeme şäherinde sişenbe gününe çenli dowam etmegine garaşylýandygyny habar berdi. 

Gar we ýaramaz howa şertleri sebäpli Tähran, Merkezi, Kürdistan, Kazwin, Kum we Elborz welaýatlarynyň ençeme şäherinde düýn bilime arakesme berilipdi.