Eýrandaky protestlerde ýogalan adamlaryň sany artdy
Merkezi Norwegiýada ýerleşýän Eýranyň Adam hukuklary guramasy, Eýrandaky protestlerde ýogalanlaryň sanynyň 481 adama ýetendigini habar berdi
1930424
![Eýrandaky protestlerde ýogalan adamlaryň sany artdy](http://cdn.trt.net.tr/images/xlarge/rectangle/52d6/d447/e1b1/63b1414c07c06.jpg?time=1719216609)
Eýranyň Adam hukuklary guramasynyň internet saýtynda çap edilen habarnamasynda, ýogalanlaryň 35-siniň zenanlardan, 64-siniň bolsa 18 ýaşdan kiçi çagalardan ybaratdygy mälim edildi.
Ýurtdaky 31 welaýatyň 25-si bilen bagly maglumatlaryň görkezilen habarnamada, iň köp adam ýitgisiniň ýaşaýjylarynyň aglabasy sünni bolan Sistan-Bulujystan welaýatynda hasaba alynandygy aýan edildi.
Beýleki tarapdan habarnamada protestlerde göz tussaglygyna alynanlaryň azyndan 109-synyň işiniň ölüm jezasy islenip, kazyýete ugradylandygy habar berildi.
Protestlerden soň ýer ýüzünde weýrançylyk döretmek, döwlete garşy söweş yglan etmek ýaly günäkärlemeler bilen kazyýetiň öňüne çykarylan adamlaryň 4-si ölüm jezasy bilen jezlandyryldy.