Eýranda Geçirilýän Protest Ýörişlerinde Ýogalanlaryň Sany Artdy
Protest ýörişlerinde saklananlardan 100 adama ölüm jezasynyň berilmegi islenýär.
Merkezi Norwegiýada ýerleşýän Eýran Adam hukuklary guramasy IHR, Eýranda geçirilýän protest ýörişlerinde ýogalanlaryň sanynyň 476 adama ýetendigini mälim etdi.
IHR-niň internet saýtynda berlen habarnamada, ýogalanlaryň 34-niň zenan, 64-niň bolsa 18 ýaşyndan kiçidigi nygtaldy.
Habarnamada ýurtdaky 31 welaýatdan 25-niň görkezijilerine ýer berildi.
Ýogalanlaryň esasy böleginiň sünnileriň köpçülikleýin ýaşaýan Sistan-Buluçistan welaýatynda ýaşaýandygy bellenildi.
Habarnama görä, Sistan-Buluçistanda 130, Kürdistanda 53, Günbatar Azerbaýjanda 55, Tähranda 52, Mazenderanda 38, Kirmanşahda 25, Gilanda 26, Elbursda 20, Yspihanda 14, Huzistanda 10, Farsda 11, Rezewi Horasadanda 7, Gündogar Azerbaýjanda 4, Loristan, Zenjan, Merkezi, Kazwin we Hemedan welaýatlarynyň her birinde 3 adam ýogaldy.
Ölüm jezasy berlen Muhsin Şikari tussag edilmeginden 75 gün soň 8-nji dekabrda, Mejidryza Rahnewerdi bolsa tussag edilmeginden 23 gün soň 12-nji dekabrda asylyp öldürildi.
Protest ýörişlerinde saklananlardan 100 adama ölüm jezasynyň berilmegi islenýär.
Tähranda 13-nji sentýabrda “ahlak polisi” hökmünde bilinýän Irşad patrullary tarapyndan saklanandan soň ýagdaýy agyrlaşan we hassahanada bejergi astyna alynan 22 ýaşyndaky Mahsa Emininiň 16-njy sentýabrda ýogalmagy ýurtda hökümete garşy protest ýörişleriniň başlamagyna sebäp bolupdy.
Eýranyň Howpsyzlyk gullugy 3-nji dekabrda protest ýörişlerinde ýogalanlaryň sanynyň 200 adamdan geçendigini mälim edipdi.
Eýranly ýolbaşçylar ýogalanlaryň howpsyzlyk güýçleri tarapyndan däl eýsem “prowakatorlar” tarapyndan öldürlendigini nygtaýar.
Degişli Habarlar
Husiler Iki Gämini Nyşana Aldy
Husiler, Gyzyl deňizde we Hindi okeanynda iki gämini nyşana alandyklaryny mälim etdi.
