Eýran Baýlaşdyrylan Uran Ätiýajyny Artdyrmaga Dowam Edýär
Halkara atom energiýasy gullugy Eýranyň ýokary derejede baýlaşdyrylan uran ätiýajyny artyrýandygyny beýan etdi.
HAEG-nyň Eýranyň ýadro maksatnamasy boýunça her çärýekde Gullugyň dolandyryjylar geňşiniň agzalaryna hödürleýän habarnamasynda Eýrandaky desgalaryň işleri boýunça çaklanylýan maglumatlar berildi.
Gullugyň çaklamalaryna görä Eýran 60 göterime barabar böleklenýän sap uran ätiýajyny 62,3 kilograma ýetirdi. Şeýlelikde Gullugyň sentýabr aýynda çap eden soňky habarnamasyndaky görkezijilerde 6,7 kilogram ýokarlama boldy.
Gulluk resmi Tähranyň guramanyň gözegçilik we tassyklaýyş işlerine goýan çäklendirmelerine reaksiýa bildirip, şol çäklendirmeler sebäpli Eýranyň sözüň doly manysynda näçe mukdarda baýlaşdyrylan urana eýediginiň bilinmeýändigini habar berdi.
Eýranda Halkara atom energiýasy gullugyna habar berilmedik 3 ýerde ýadro galyndylarynyň tapylmağy we şol ýadro galyndylar hakynda Tährana berilen soraglara islenen derejede jogap berilmezligi taraplaryň arasynda düşnüşmezlige sebäp bolupdy.
